أسهل الطرق لتقبل الدراسة و الإقبال عليها

معظمنا يعاني من الاكتئاب وصعوبة ضبط النفس قبل بدء الدراسة وذلك بسبب الاستعداد السيئ لها وإليكم بعد النصائح لتقبل دخول موسم الدراسة بنفس راضية شغوف ..   

- إحنا لسه في الاجازة يعني نقدر نخلي نفسنا مستعدين جدا وبجد عاوزين ان المدارس تيجي اول حاجة: اشتغلي اعمال يدوية زي لو عندك قماش وسوستة مثلا اعملي مقلمة حتي لو طلعت مش حلوة مش مهم المهم انك هتحسي ان نفسك الدراسة تبدأ علشان توريها لصحابك أو مثلا اعملي بعلبة كبريت شكل للبراية والزقيها فيها من جوه 

- لما تعرفي انت عاوزة كراريس ايه اختاري الأشكال الحلوة اللي تفتح نفسك علي المذاكرة هاتي شنطة ألوانها فاتحة وجميلة خليكي فرحانة بوجودها وهتبقي مستعدة جدا لقدوم المدارس 

-احنا نقدر نعمل حاجات كتير غير اعمال يدوية مثلا نقدر نزين طبعا احنا بنجيب الكتب قبل المدارس بشوية ممكن نعمل جراب للكتاب يخليه شكله جميل خلي حد انت بتحبيه في البيت يفهمك مثلا اول فصل في القصة المقررة او انت اقرأيها في الاخر قصة يعني اكيد هتبقي حلوة جربي تقرأي الكتب بغرض استفسار واستمتاع مش اكتر ماتذاكريش لو لقيتي حاجة سهلة نفسك هتتشد اكتر للدراسة، زيني مكتبك لو تعرفي تطبعي صورك مع مدرسينك او صحابك في المدرسة وحطيهم في برواز مش لازم خشب اعمليه انت من الكرتون ! .. 

انا بس في النهااية عاوزة اقول ان كل المفروض مرفوض لازم نحاول نحس ان المذاكرة مش بس حاجة مفروضة هي حاجة بتفيدنا في حياتنا كفاية ان من غير المدرسة مكناش هنعرف صحابنا اللي بنحبهم ومانقدرش نعيش من غيرهم ..

شارك هذا الموضوع

آراء الأعضاء

الأوسمة

مواضيع مميزة