أقتراحات مواطن لمسؤول الدولة المصرية

أقتراحات مواطن لمسؤول الدولة

مشكلة مصر واقتصادها المتدهور يرجع للاسباب عديد أهمها .الاعتماد على السياحة بشكل كلى .و الاعتماد على المستثمرين .

وفى كلا الحالاتين مصر تخسر لان السياحة مهددة من حين لأخر بانقطاعها عن البلد لاسباب امنية .

والمستثمر بيأخذ اراضينا ومشرعاتنا وهو اللى بيربح منها بشكل كبير ..والدولة لا تستفيد الا بجزء بسيط من هذه الارباح.

ولو رجعنا للتاريخ هنلاقى ان مصر كانت تنتج وتصنع ولا تعتمد على السياحة ولم يكن هناكمستثمرين او يوجد منهم القليل جداااااا.

نهضة اقتصاد اى دولة يافندم هو فى الانتاج من الزراعة والصناعة .اما السياحة تاتى فى اواخر الاهتمامات .تعالى نشوف هيحصل ايه لو اهتمينا بالانتاج .

اولا . الجيش الحربي يترك شئون البلد الداخلية ويهتم باختصاصاته الامنية .

ممكن تعمل جيش زراعى وجيش صناعى .

المسمى جيش لان له فترة محددة لكل جندى ياخذ تاجيل من الخدمة العسكرية . لا مش هنديله تاجيل ونخيره.. تحب تنضم للجيش الزراعى ولا الصناعى وهو يختار عبر استمارة ملئ البيانات .

((الجيش الزراعى))

 هو عبارة عن شباب مجند تحت مسئولية وزارة الزراعة . وسمي بالجيش لان معاملته معاملة عسكرية ميرية .لكنه ليس له علاقة بالجيش الحربي اطلاقا .مهمته ان يزرع الااف الفداديين الزراعية .بدل ما المستثمر ياخد الاراضي ويشغلها لحسابه .لا تاخدها وزارة الزراعة وتزرعها بكل المنتجات اللى بنستوردها من برة .ودا هينتج عنه الاكتفاء الذاتى للدولة من منتجاتها الزراعية كالقمح والارز والقطن وغيرهم . والفائض يصدر للخارج . وبكده الدولة ابتدت تصدر منتجات زراعية تحت رعاية وزارة الزراعة.والمجند فى الجيش الزراعى يبقاله مرتب كاموظف فى الدولة الى ان تنتهى مدة خدمته .وبعدها ان شاء المجند ان يتطوع فهذا خيرا له وبكده وفرت فرص عمل للشباب .

((الجيش الصناعى))

 مثل الجيش الزراعى لكنه تحت مسؤلية وزارة الصناعة .

ومهمته ان ينشئ به مصانع .وصنع كل السلع المستوردة من الخارج .. هات خبراء اجانب مختصين بالمبلغ اللى يطلبوه مهتمهم يشغلوا المصانع ويعلموا العاملين فى المصانع كيفية الصنع .سنة واتنين والمصريين هيبقوا خبراء ومش هنحتاج للخبراء الاجانب تانى . وتقدر تصنع سيارات تلفزيونات اجهزة كهربائية بمختلف انواعها .ممكن تبتدى بعشرين مصنع فى صناعات متعددة . وصنع اهم واغلى الاشياء المستوردة . وبكده تقدر انت تصدر للخارج منتج مصانعك اللى قايمة على الجيش الصناعى ..وبكده مش هتحتاج تستورد حاجة من برة لان اللى بيصنعوا برة هما اللى علمونا الصناعة جوة البلد هم الخبراء الاجانب وبكده اقتصادك يكبر ..

((وبالنسبة لصناعة الادوية))

 .. وهذه من اكبر واخطر الصناعات المحظورة فى بعض البلدان .. ممكن الاستعانة بخبراء اجانب متخصصين باى مبلغ يطلبوه .وبالتنسيق مع وزارة الصحة المصرية وهى المسؤلة عن صناعة الادوية .يقدروا يصنعوا اغلب الادوية الباهظة الثمن ولا تحتاج لاستيرادها .. وبكده ايضا سيزداد اقتصادك بشكل اكبر ..

صنع كل منتج بتحتاجه من برة وصدره عبر الوزارات والربح يدخل خزينة الدولة . وعندما يصبح لديك  انتاج كبير ولا تستورد .سعر الجنية هيرفع لان عندك اكتفاء زاتى فى موارد الدولة وتقدر تصدر بالجنية المصري .

(((بالنسبة للسجون .)))

ملهاش لازمة اساسا لانها مضرة للدولة والمجتمع والناس .. انت مش بتعاقب مجرم فقط لا انت بتعاقب اهله معاه يعنى اولاده .لا هما يتامى ولا فى احد يعولهم . زوجته لا هى متزوجة ولا هى ارملة ولا هى مطلقة .دا غير ان المسجون الواحد بيكلف الدولة اكل وشرب وعلاج وحراسة .. يعنى مذنب وبيكلف الدولة ثمن عقوبته .. لذلك ممكن تاخد المساجين دول وتطلعهم بشكل خاص مع الجيش الصناعى او الزراعى اهو يشتغل بس هياخد نص مرتب المجند .وكمان هيبقى عامل او خادم للمجندين .. وبكده تبقى وفرت السجون بشكل مفيد . وتقدر تاخد البلطجية وقطاع الطرق بنفس الطريقة يطلعوا يخدموا فالجيش الزراعى او الصناعى .وبعد ما تنتهى عقوبته ممكن يتطوع لو يحب وبكده وفرت له فرصة عمل شريفة .

((وبالنسبة للتعليم))) .

التعليم عامل مهم من عوامل النهضة بالمجتمعات .ياريت لو تضع المواد على قد قدرة الطالب وياريت تضيف مادة اسمها الاخلاق فى المنهج مهمتها تعلم التلاميذ الاخلاق الحميدة كى نحميهم من التطرف الفكرى والعقلى . وياريت لو تضع حفظ القران الكريم على مراحل الابتدائية والاعدادية والثانوية .بحيث لايتعدى الطالب المرحلة الثانوية الا وهو حافظ القران الكريم عن ظهر قلب .

وبالنسبة للمواهب والعباقرة الذين لا يجدون فرصتهم فى مصر ويذهبوا للخارج .

حضرتك ممكن تعمل وزارة جديدة اسمها وزارة المواهب والمبتكرين .

دى مهمتها تتابع الطالب منذ اولى ابتدائي الى ان يتخرج . يكون لكل طالب ملف فى وزارة المواهب مضافا الى ملفه الشخصى فى وزارة التربية والتعليم . الملف دا في بيانات الطالب وقدراته واتجاهاته وميوله .ودا طبعا بمتابعة التلاميذ فى المدارس ودارسة قدراتهم الفنية والرياضية .على سبيل المثال فمن له ميول للثقافة تهتم بهذه وزارة المواهب فى مسابقات ثقافية على مراحل تعليمه وتضعه فى الكليه التى يخرج فيها قدراته الثقافيه . وليس فى الكلية التى يختارها له التنسيق . وبكده يبقى انت وضعت كل طالب فى طريقه الصحيح ولما يتخرج هيبدع فى عمله لانه بيحبه وممتاز فيه ..

ومن ناحية اخرى تهتم وزارة المواهب بكل من له افكار واختراعات . يبقى مهمتها انها تنفذ الاختراع او تتابع هذا الاختراع الى ان ينشئ على الارض المصرية . وبكده البلد انتجت ..

هذه بعض اقتراحات بسيطة فعالة . تطور البلد 180 درجة . وتكلفتها اقل من المشروعات السابقة الغير مجدية .ارجوا ان تٌدرس هذه الاقتراحات بجدية .ان اردتم النهوض بالمجتمع المصري .

.

بقلمى

#القعقاع_المصري

شارك هذا الموضوع

آراء الأعضاء

مواضيع مميزة