ازاي تبقي رقم 1 فى مجالك ؟

دا الموضوع اللى هنتكلم فيه النهاردة ضمن سلسلة منشورات #ازاي_تبقي_افضل وقبل متتعب نفسك وتقرا كل الخطوات دا بتركيز اوي وتأمل فى كل حاجة منهم لازم تعرف انك عشان تكون الافضل لازم تكون بتحب الشئ اللى بتعمله لازم تكون مقتنع بيه 100% .. لو انت معانا فى الخط كدا اقرا بقي :D 1. الإبداع يحتاج إلى تدريب اقتننع بكول جوارحك ان الابداع دا شئ مكتسب .. سهل اكون مبدع لو اتدربت علي دا سهل ازود ابداعي باني اشوف ناس مبدعه واشارك ناس اكتر مني خبرة واحيط نفسي بمجتمع من المبدعين . 2. دون أفكارك اكتب كل حاجة بتيجي فى بالك .. اكتب افكارك اكتب كل حاجة حتي لو شايفها تافهه او ملهاش قيمه .. والاهم دون أسرار مهنتك لان دا هيزود فهمك واداركك للعمل . 3. اعمل أكثر من الحد الأدنى الناس العادية دايما بتعمل اللى عليها بس .. خليك شخص مش عادي وقدم دايما اكتر من المطلوب .. خليك دايما احسن شخص بيعمل اي تاسك يطلب منه لان دا فى الاخر هيخلي سمعتك أفضل وهيزود خبرتك وامكانياتك انت 4. حافظ على عادة القراءة اليومية ومتابعه محاضرات التنميه قليل اوي اللى محافظ علي عادة القراءة باستمرار بس هيا مهمه جدا ان القراءة بتختصر وقت التعليم وبتسمحلك باختراف افكار عباقره وعلماء . اهتم كمان بمتابعه محاضرات التنمية الذاتية لانها كمان هتطور اسلوب تفكيرك وتفتح افاق جديدة فى مجالك . 5. ركز علي هدف واحد مجال واحد خليك مهتم بشدة لمعرفة كل جديد في مجالك وتخصصك لان سر التميز فى معرفتك بكل شئ فى مجال محدد لانه بيخليك أفضل وبيزود من فرص تميزك فى المجال دا . 6. استثمر فى نفسك استثمارك فى نفسك بتزود ثقافتك ومعلوماتك وتدريبك اكتر هيساعدك تنجح اسرع مش بس فى مجالك المهني بل في حياتك كلها 7. زود موهبتك لازم تعرف ازاي تقوي موهبتك وازاي توصل للحد الاقصي لحدود موهبتك على سبيل المثال الرياضيين عشان يكونو ناجحين بيوصل لاقصي طاقته وسرعته بالتدريب المستمر يوميا هتقدر انت كمان تزود موهبتك . وعشان تعرف ازاي تحول اي حاجة لعادة يوميا لازم تفضل تمارسها 66 يوم متواصل لان فى دراسات فى جامعه لندن اثبت ان 66 يوم من ممارسة الشئ بيحولها لعادة مترسخه في الدماغ وتصبح ممارستها بشكل آلي. قولنا ناوي تبقي رقم 1 فى مجالك ؟؟ متنساش تدعمنا وتعمل شير للبوست لو عجبك
شارك هذا الموضوع

آراء الأعضاء

مواضيع مميزة