الدوما الروسى : ارسال عسكريين الى مصر تهدف الى تصعيد الاوضاع !!!!

  • الكاتب Khaled Hamden
  • تاريخ اﻹضافة 2017-03-15
  • مشاهدة 37

بقلم / خالد حمدين

عجبى !! عليكى يا بلد كل يوم خبر يتولد ، مبروك مبارك حكم تاريخى ولا مش تاريخى المهم انه اتحكم ، السئوال هو مش فاضل شئ نعمله فى مصر غير محاكمة مبارك ، يعنى مبارك هو سبب كل الازمات ، طيب مبارك اصبح رهن القضاء ، وبعدين احنا نقعد نحط ايدينا ونتفرج على البلد ونحط همنا فى براءة مبارك ، طيب مبارك اصبح عمرة 89 سنه يعنى حت لو اتحكم عليه مش هيتنفذ وبعدين مش لازم نشوه نفسنا ولا تاريخ قاده كبار اعطوا لاسرائيل درسا لن ينسوه واصبحت الخطه المصريه لحرب 73 تدرس الى الان فى جميع اكاديميات العالم يعنى نحترم نفسنا شويه وبلاش نكون قلالات الاصل والوحش ينسينا الحلو ، نرجع بقى نشوف حياتنا واشغالنا ، نشوف ولادنا اللى بتموت كل يوم م الارهاب ، ونشوف ولادنا اللى بياكلوا من صناديق الزباله ، ونربى ولادنا اللى بينزلوا البنطلون ويخلوا تسريحات شعرهم زى المسوخ ، وعمالين يقولوا حكم العسكر طبعا هما مش فاهمين معنى كلمة حكم العسكر فبيرددوا زى البغبغنات وخلاص والعيب مش عليهم ما علينا !!، طيب نشوف التجار المستغلين والمحتكرين ونحاول نوضع حلول ، عشان كلنا بنفتى فى كل شئ سياسه اقتصاد فن ادب طب والمصيبه الاكبر فى الدين كمانبرده ما علينا  ، ومع عجز الحكومه ممكن يكون لينا دور ، طيب ، الاعلام شغلنا تانى بأحمد عز ، وبعدين وجرانه والاخر الاعلام بتاعنا عايز ايه ما يسيب اللى اتقبض عليه اتقبض عليه واللى اتحاكم اتحاكم ، ويكتب عن الفساد والمخدرات ، بلاش يكتب عن النص الحلو عن المشاريع عن الاصلاحات ، طاب يكتب عن مشاكل الشباب، يعمل مبادرات ، يعمل اى حاجه يكتب عن السياحه ويحاول يروج للبلد ، يكتب عن المواطن الغلبان الكحيان ، يدى أمل فى بكرة ، عموما كانوا كلمتين محشورين فى حلقى قلت اطلعهم ، اه صحيح قبل ما انسى ، فى احدى التعليقات على مقالاتى وجدت صديق محترم كاتب اللى ما تعرفوش متتكلمش فيه او تقريبا متكتبش فيه أو عنه ، عندك حق بس عايز اقول لحضرتك ، لازم نتكلم ونتكلم ونتكلم لحد ما حد زى حضرتك يفهمنا عشان نقدر نفهم ونعيش ، الغلط مش عندنا ان احنا مش فاهمين ، الغلط عند حضرتك وأمثالك من اللى فاهمين ومثقفين ومش بيعلمونا نتكلم فى ايه ونفهم ايه ورأيك يحترم مش هطول عليك عشان عارف انك بتسخن بسرعه وممكن تنفجر او تولع ما علينا ، نرجع تانى ننقاش عنوان المقال اللى نشرته  احدى الصحف المصريه اللى لها شعبيه كبيرة وبيقول الخبر :

برلماني روسي : نشر قوات روسية في مصر هدفها «تصعيد الأوضاع»

الخبر شدنى  قلت خير يا رب هو الحال وصل بينا لكدا ان الجيش بتاعنا تعب ودلوقت بنستعين بروسيا المهم قلقت قلت لازم اشوف الدنيا حصل فيها ايه هو انا عشان سافرت الدنيا خربت فقلت اقرا الخبر انى اوصل لحاجه مفيده ما وصلتش قلت الحمد لله ان مصر بخير وجيشها بخير حتى لو شوية العيال (السيس )قالوا عليه حكم العسكر المهم تعيشى يا بلدى يا بلدى تعيشى جيشك وشعبك قد التحدى وفرحت فقلت انا انقل ليكم الخبر واكتب عنوان مثير ويشد وانتوا تقروا المقال بعد ما تخلصوا قرائته عارف رد الفعل الكل هيسب بس ارجوكم بلاش سب جامد عموما انا مسامح وهاديكم فرصه تقروا الخبر اللى نشرته الجريده المحترمه اللى انا شخصيا كنت باحترمها جدا بيقول الخبر :قال البرلماني الروسي أندريه كراسوف، النائب الأول لرئيس لجنة الدفاع بمجلس الدوما، إن التقارير التي تشير إلى إرسال عسكريين روس إلى قاعدة جوية في مصر تهدف إلى تصعيد الأوضاع.!!!!! نكمل نشوف ايه هى الاوضاع ،

ونقلت وكالة «سبوتنيك» الروسية، الثلاثاء عنه القول: «نحن ثابتون في تصرفاتنا. لا نخفي أي شيء عن أي أحد. نحن نعلن عن خطواتنا وننسق تصرفاتنا مع حكومات الدول التي لدينا اتصالات بها».

وأكد أن الخطوات الروسية الناجحة، بما في ذلك في مجال محاربة الإرهاب في سوريا، تعطي مبررا لدول بعينها لتشويه صورة موسكو، مضيفا بالقول «ربما أيضا قد يكون بين هذه الدول نوع من التنافس حول من سيشوه صورة روسيا أكثر من غيره».!!! طيب احنا فين يا اخونا حد يفهمنى جايز على رأى الاخ الناقد اللى وصفنى انى مش فاهم ممكن !!نكمل ،

من جانبه، نقل موقع «روسيا اليوم» عن فلاديمير جاباروف، النائب الأول لرئيس لجنة الشؤون الدولية في مجلس الاتحاد الروسي، وصفه للتقارير التي تفيد بإرسال روسيا عسكريين وطائرات من دون طيار إلى قاعدة جوية في مصر قريبة من الحدود مع ليبيا، بأنها «وهمية ولا تستحق الاهتمام».ياااا سلام !!!!!

ولم يصدر بعد أي تعليق رسمي من أي من الجانبين الروسي أو المصري على التقارير.!!

طيب ايه رأيكم انتوا مش بالذمه دا بيسمى لعب بالاعصاب وتهريج فاضى عموما انا حبيت النهارده اخرجكم من شدة اعصابكم وانتوا بتقروا مقالاتى وقلت ادردش معاكم فى اللى بيحصل وانهى كلامى بمصر تحيا مصر تحيا وتحيا مصر تحيا مصر

شارك هذا الموضوع

آراء الأعضاء

مواضيع مميزة