السيسى فى خطابة .. بعض الكلاب فى الداخل بينفذوا مخططات وبيفجروا بلدهم وبيدمروها

السيسي في خطابه قال بالضبط ان فى دول ورا اللى بيحصلنا ده غير ان فى بعض الكلاب فى الداخل بينفذوا المخطط زي ما الدول دى عايزه بالضبط وبيفجروا بلدهم ويدمروها .Image title
 
ده غير اللى راحوا اشتروا محصول القمح بعد حصاده من الفلاحين في الفيوم وحرقوه ((  أعلنت مديرية أمن الفيوم، عن ضبط تشكيل عصابي دولي يشتري محصول القمح من المزارعين بأسعار مرتفعة ثم يقوم بحرقه في مزرعة دواجن مهجورة

وقال البيان الصادر عن المديرية، إن معلومات وردت للواء خالد شلبي مدير أمن الفيوم من اللواء حسام فوزي مدير المباحث تفيد بوجود تشكيل دولي بمشاركة مصريين، يقومون بشراء محصول القمح من الفلاحين قبل نضجه وحرقه في مزرعة نائية.

وتبين من تحريات العقيد محمد إلهامي رئيس مباحث التموين، قيام عدد من العمال بحصاد محصول القمح قبل نضجه وتجميع كميات كبيرة منه في مزرعة دواجن مهجورة في قرية دمو التابعة لمركز الفيوم، دون مراعاة الاشتراطات الصحية، وحرقها وإتلافها باستخدام أسطوانات البوتاجاز صغيرة الحجم بالمخالفة لأحكام قانون العقوبات وأحكام القانون 281 لسنة 1994 والقانون 453 لسنة 1954 الخاص بالمحال الصناعية والتجارية والقانون 10 لسنة 1966 الخاص بالصحة والقانون 53 لسنة 1966 الخاص بالزراعة، بهدف زعزعة الاستقرار الأمني للبلاد، باعتبار القمح من المحاصيل الاستراتيجية الهامة، بحسب ما جاء في البيان.

وتم ضبط المتهمين وتبين أن بين أفراد العصابة شخصان يحملان الجنسية الأردنية، وتحرر محضر بالواقعة يحمل رقم 12734 جنح مركز الفيوم، وجار العرض على النيابة لمباشرة التحقيقات)).
طب اللى بيعمل كل ده ليه ؟ بيحرق أكلنا عايز مننا ايه ؟ عايز يوصلنا لاية بالظبط ان الشعب ينقلب على نفسه مش حقول رئيسة وحكومته وده لانهم مننا واحنا منهم يعنى الشعب ينقلب على نفسه ..Image title
السيسي بيتحارب من بره ومن جوه للأسف طب بره ونقول أعداء ولاد ستين فى سبعين وكل همهم الاطاحة بينا وبمقدرات وطنا يعنى اشمعنى احنا اللى حنفلت من الخراب المستعجل اللى آلت اليه اغلب الدول العربية ده حتى أكلنا وشربنا بيحاربونا فيه السيسي بيزرع 1.5مليون فدان عشان يعوض ومانستوردش قمح يقوموا هما يشتروه من الفلاحين ويحرقوه .. عمل أحواض سمكية بالزوفة عشان يأمن الغذاء للمواطنين اخترعولنا حشرة السمك ولا قمل السمك .. الشىء لزوم الشىء .. وكل ما حنلاقى مخرج حيحاولوا يسدوه فى وشنا بيحبطونا وبيكسروا مقاديفنا واحنا على رأى المعلم اللى بيعلم كل يوم على الاغبياء واذيالهم اننا لازلنا صامدين وواقفين فى ضهره ومستحملين ولسه حنستحمل لاخر نفس فينا وخليهم كده يطقوا يموتوا من الغيظ .. مش حنعمل زى غيرنا وبالعند فيكوا احنا مع السيسى الى ما لا نهاية ..
 نحل مشكلتنا مع إثيوبيا تقوم موزة تروح السودان وتميم يروح إثيوبيا عشان يمولوا السد ويدمروا كل حاجه بنعملها لحل مشكله السد . غايزين يبقوا هما اللى فى الصورة ويلغوا حاجة من الوجود اسمها ام الدنيا مصر المحروسة وده بعينهم ان شاء الله لان مصر باقية والكل الى زوال غصب عن عين التخين .
 الراجل ده بيتحارب عشان بيبني البلد احنا في حرب داخلية وخارجيه وهو قالها صراحه كدا وعينى عينك أصل مبدأه الصراحة والصراحة راحة بس اللى يفهم ويقدر.. احنا بنتحارب واحنا لازم نقف جنب بعض وجنب بلدنا وجنبه مش حبا فيه بس حبا في انه بيحب البلد دى وبيعمل لمصلحتها اللى هى مصلحتنا ومصلحة الوطن العربى ككل واللى الغلا طايل كل مكان فيه روحوا الدول العربية وشوفوا الاسعار وحتصدقوا ساعتها ان الاسعار فى مصر برغم الغلاء ارحم من غيرنا مثلا الامارات كيلو اللحم بيوصل 300 درهم يعنى ما يسازى 1200 جنية مصرى وزيادة مش احنا اللى الكيلو عندنا عامل من 70 جنيه المثلج او المستورد والبلدى حوالى 100 و120 جنية وزعلانين قوى والارز اللى مش عاجبكوا انه بيبدأ من 7 جنيه او 8 جنيه بره البسمتى بيعمل الكيلو 30 درهم يعنى اللى بيتباع فى بلدنا الكيلو ب 16 جنيه فى بلده بيتباع ب 120 جنية وزيادة فأنا من هنا بقول انا عن نفسي معاك لآخر يوم لو هضحي بحياتى والله لأنى بجد اقتنعت ومؤمنة انك بتتحارب عشان بتبني البلد دي ومش هفكر في أكل وشرب عادى احنا شعب مؤمن وواخد على الصيام والجوع ما ياما شدينا الحزام على بطننا لجل ما الاجيال الجاية تعيش فى سلام ولأنى اللى أعرفه ان الحرب تضحيات محدش بيفكرغير في بلده .. الناس زمان لما بلدهم كانت بتتحارب كانوا بياكلوا بسكوت بالكمون وبيحلوا الشاى بالكرملة عشان يسدوا الجوع ..لكن احنا الحمدلله برغم الغلا والكوا الا اننا لسه فينا خير ليوم الدين ومحدش بيبات فينا من غير عشا وطول ما ربنا محنن قلوبنا على بعض حنصد وحنقف فى ضهرك يا ريس والحمد لله الف حمد وشكر ليك يارب احنا بناكل والأكل موجود وان زاد الغلاء وتفشى بردوا ده ما يخلنيش اقف ضد بلدي ولا يخلى اى مصرى حتى النخاع يقف ضدها لكن يقف لها ويهتف لها تحيا مصر..

#نجوى_فؤاد

شارك هذا الموضوع

آراء الأعضاء

مواضيع مميزة