الفرق بين فنون جميلةة وتربية فنيه فى 5 نقط ..

  • الكاتب boky
  • تاريخ اﻹضافة 2017-06-20
  • مشاهدة 5

- اولا المجموع بيفرق فنون من 88% تقريبا فيمآ فوق ، تربية بتقبل من 70% واقل ، دة كمجموع ..

نيجى للقدرات .. امتحآن تربية بيعتمد على الابداع ، يعنى ادخل ارسم اى حاجةة فى اطار الموضوع .. امتحان فنون بيعتمد اكتر على ال Copy وال Paste مع قليل من الابداع ، زى انه يجيبلك تمثآل ترسمه بالظبط زى ما هو موجود ...

- ثآنيا على حد علمى انك فى اعدادى فنون بتدرس اكتر من مجآل وبعد كدة بتبدأ تتخصص فى اللى ينآسبك على عكس تربية بتدرس كل مجآلات الفنون على مدار ال 5 سنين وبتتوسع فيهم حتى بعد ما بتتخصص ، دة مش عيب فى فنون ولا ميزة فى تربيةة ، الفكرة بس ان فنون بتأهلك لحاجة معينة وبتخليك تتقنها كويس جدا عشان تقدر تتخصص فيها لما تتخرج لكن تربية بتأهلك انك تتعامل مع آلناس وتكون متقن لكل مجآلات الفنون عشان تقدر تدرسها فيما بعد ...

- ثآلثا بآلنسبةة لتربيةة والفرق بين تثقيفى وتربوى ، قسم تثقيفى بيأهلك لانك تتعآمل مع مؤسسآت تعليم غير منتظمة بمعنى انك مطلوب منك تنزل نوادى وقصور ثقافة ودور مسنين وغيره انما تربوى تعآملاتك هتكون مع آلمدارس ..

- ايوة يعنى انهى احسن ؟ اوعى تسأل حد السؤال دة خصوصآ من جوة الكلية احنا كطلبة معقدين وكل واحد هيجآوبك من وجهة نظره .

- طب اعمل ايه ؟ متستعجلش انت هتدرس كل حاجة بالتفآصيل وهتقدر تحدد انهى منآسب ليك اكتر .

- رابعآ والأهم بقى من كل دة ...

- مجبتش مجموع فنون بالرغم من انى نجحت فى القدرات ومستحيل ادخل تربية فنية ، اعمل ايه ! طيب خلينا متفقين ان ال 5 دفعاات اللى جوة كانوا مكانك وانا اولهم ، محدش فينا مبيتمنآش يدخل فنون جميلةة بس هو نصيب " وعسى ان تكرهوا شيئآ وهو خير لكم " ...
طيب خلينى اكون صريحةة معآكوا شويةة ، لو انت بجد حابب تدرس مجآل الفن وتتعلم حاجة بتحبهآ متترددش لحظة انك تدخل تربية ، معلش هيجيلك شوية اكتئآب فى البدايةة وهتبقى مخنوق انك معملتش اللى انت عآيزة بس مع الوقت هتلاقى نفسك بتحمد ربنآ كل لحظة انك دخلتها ... ليه !؟ اقولك ليه ، ببساطة لانك هتدرس حآجات فنون مسمعوش عنها ، هتتعلم تكون مبدع وهتخرج من اطار ال Copy وال Paste ، اه هيطلع عينك وهتطحن وهتتعآمل مع حآجات مكنتش تتوقع انك تتعآمل معآها زى الجلد الطبيعى والكلور والتربنتين والكولة والجآز والطين .. الموضوع مش سهل زى ما انت فاهم ، بس هتتعلم 
وعلى فكرة تربية مبتجبركش تطلع مدرس ، تقدر تآخد كورس ديكور معتمد من نقآبة المهندسيين وتشتغل مهندس ديكور وهتكون زيك زى بتآع فنون ويمكن احسن

لو انت بقى حآبب يتقآل عليك فى فنون جميلة انصحك تسأل عليها فى MSA او BUE او اى جامعة خاصةة ، وسآعتها هتدفع مبلغ من 30 : 50 الف فى ال Semester وانت مرتآح نفسيآ 
آه متنسآش ان 3/4 منهم مبيلاقوش شغل ف بييجوآ ياخدوا دبلومةة تربوى من عندنآ و يشتغلوا مدرسيين ، او بيفتحوا Gallery ب 50 : 80 الف تانيين يرسموا فيه بورتريهآت 

شارك هذا الموضوع

آراء الأعضاء

مواضيع مميزة