الوصايا ال12في تربية البنين .

  • الكاتب Reda Khattab
  • تاريخ اﻹضافة 2017-05-19
  • مشاهدة 66

هانتكلم شوية المرة دي عن تربية الاولاد .تربية الولد بصفة عامة .والولد الوحيد بصفة خاصة مسألة صعبة هايطلع علي عينك القديم والجديد لكن معلش علي قلبنا زي العسل ماهو الحيلة . لكن دورك كأم مع الولد هايكون أقل بكتير من دور الأب ..الأم تأكل وتعلم في صغره ومصدر الحنان والدفء والطمآنينة لكن بمجرد ما يوعي للدنيا تبدأ تتابعه من بعيد لبعيد و تبقي رادار تسجل وترصد كل حركات ابنها وتراقبه من غير مايحس وتكون حلقة وصل بينه وبين أبوه لو في اي حاجة تقولها للأب. ا-الاب هو البطل في الموضوع لازم يبقي قريب جدا من إبنه يراقبه يوجهة .يلازمه وماينفعش يتحجج بالشغل لو تواجد في بيته ساعتين برضو يعرف اخباره ويقعد معاه 2-يعلمه من سن 14-7 يتعامل معاه بحسم لكن مش بغلظه إذا أحسن يكافئه واذا أساء يعاقبه .3-ومن بداية المراهقة يغير كتير من معاملته .يتكلم معاه بإستمرار . 4-يمنحة مساحة من الثقة والإستقلال .5-يعلمه امور ماينفعش غيره يعلمهاله ومايقولش اسيب الايام واصحابه والدنيا تعلمه لا يا كبير !!!ده دورك انت اديلوا معلومات كافيه 5-اديلوا ثقافه جنسيه سويه .كلمه في كل الموضوعات دون خجل طالما إنها في إطار المناقشة المفيده وإطار محترم ماتسيهوش لأصدقاء السوء ياخد منهم معلومات غلط 6-علمه مظاهر التغير البيولوجي اللي هاتحصله عشان يتقبلها علمه إنها سنة الله في خلقة .7-علمه إنه هاتداعبه خيالات المراهقة وانها شيء عادي لانها طبيعة المرحلة علمه ممارسة الرياضة عشان يفرغ فيها طاقته 8-. صاحبه خليك قريب منه .شاوره في كل امور البيت عشان تمنحه الثقه .9- عوده انه يقوم ببعض الواجبات الاجتماعية مكانك عشان تثقل شخصيته 10.اعرف مشاكله العاطفية واياك تسخر منها . ابعد عن التوبيخ واللوم المستمر .اللي ممكن يهزشخصيتة ويضعفها اتت اكتر الناس تفهما لمشاعره اظهر اهتمامك الشديد وتاثرك بيها لحد مايستقر عاطفيا اياك وتسفيه مشاعره واحلامه حتي وان كانت بسيطة هو شايفها كبيره .الولد طالما ابوه موجود يقوم بتربيته عشان يكتسب الرجوله .وده مايقللش من دور الام ابدا .11- واياك وانك تميز الولد عن البنت او البنت عن الولد حاول تعدل في معاملتك مع اولادك عشان ماتخلقش الغيره والحقد بينهم 12-ولازم نبعد الابناء عن المشاكل الاسريه بقدر الأمكان ونهييء مناخ هادي عشان يكبروا ولادنا صح وكل ما كان المناخ الاسري صحي هايكبر الولد والبنت بطريقه سليمه ويبقوا شباب يعتمد عليهم .فأذا كانت تربية البنت واعدادها مسئولية الام .برضو اعداد الولد وتربيتة كتير منها مسئولية الاب . عشان تستقيم الامور. .

شارك هذا الموضوع

آراء الأعضاء

مواضيع مميزة