الى اين ينتهى بنا المطاف

  • الكاتب boky
  • تاريخ اﻹضافة 2017-06-16
  • مشاهدة 4


انا اللى نفسى افهمه ازاى يعنى امريكا تقوم بعملية زى دى تحت ادعاء ان الجيش السورى استخدم السلاح الكيميائى فى خان شيخون قبل النظر فى تقرير منظمة حظر الأسلحة الكيماوية اللى لسه تحقيقها فى الحادث شغال لحد دلوقتى وكلنا عارفين يعنى ان بعد ما المنظمة اعلنت اعدام احتياطى الاسلحة الكيميائية اللى كان بيملكها الجيش السورى وطلع بيان بكده وان خلاص الجيش السورى معدش بيملك اى احتياطى للاسلحة الكيميائية ان لو حتى فعلا تم استخدام سلاح كيميائى فده اكيد اللى استخدمة منظمات الارهاب فى سوريا وعملية زى اللى امريكا عملتها دى مش شايف ليها اى فائدة غير ان امريكا بتشجع المنظمات الارهابية فى سوريا واللى بتواجه الجيش العربى السورى لمكافحة الارهاب انها تشن ضربات مستقبلية بما تملكة من سلاح كيميائى على الجيش العربى السورى يعنى امريكا زيها دلوقتى زى النصرة وداعش وبرضه احنا عارفين ده والمصيبة ان الوطن العربى عارف ده بس عامل مش واخد باله وان العملية دى عبارة عن استعراض قوة وفرض سيطرة وخلاص وكلنا عارفين برضه هما قاصدين يفرضوا قوتهم على مين وخايف والله يبقى ده سبب لحرب عالمية تالته هتدمر الكوكب بعد ما روسيا اعتبرته اهانه لقوتها .
واللى مش فاهمه برضه او اللى مستغربة فعلا احنا فين من كل ده وطننا العربى ده واخد اجازة يعنى ولا مش واخد باله ولا احنا فى كوكب تانى ولا اى , ده انا حتى مشوفتش بيان من اى دولة عربية لحد دلوقتى غير من الجيش السورى اللى بيعتبر الضربة تدخل عسكرى واضح واللى بيعتبره ان دى عداوة واضحة من امريكا (دوله ضربتنى مستنينى اعمل معاها اى يعنى غير انى ارد عليها ) وللاسف كفاية عليهم داعش والنصرة يبقى اى بقى . خدوا موقف بقى يخلينى حاسس ان سوريا دى من وطننا العربى مش جاية غلط بس اى الجديد يعنى ما التصعيدات مفيش اكتر منها فى فلسطين والعراق وليبيا جات على سوريا يعنى 
ربنا يستر

شارك هذا الموضوع

آراء الأعضاء

مواضيع مميزة