اهالى الشيخ مسعود يستغيثون من عزبة الجمعيه الزراعيه وتوزيع السماد للمحظيين برضا المدير

يعانى اهالى الشيخ مسعود من قلة وتاخر صرف الاسمده المقررة لهم مما يثقل كاهل الاهالى والمزارعين هناك 

جاءت الينا عدد من الشكاوى بهذا الخصوص واستطلعنا راى اهالى القريه فقال لنا العمده محمد محمود عمده القريه الوضع مش كويس خالص والكيماوى بتيجى وبتتصرف الاصحاب الحظوه والمحاظيظ من اهالى القريه وانا بصفتى واحد من اهالى القريه وعمدتها رفضت هذا الامر وارسلت شكاوى للرقابه الاداريه ولوكيلة الوزارة لفحص وبحث الموضوع ونامل فى حل المشكلة قريبا

وقال ضياء مهندس زراعى من الشهر اللى فات واحنا رايحين جايين ومدير الجمعيه فوت علينا بكرة يا سيد كل يوم و مدناش الكيماوى بتاعتنا واول مقلت هشتكى قالوا الكيماوى خلصت

وفى مفاجئه غير متوقعه قال احمد ان المشكله تكمن ان مدير الجمعيه من ابناء البلد وعنده خيار وفقوس وليه ناس حبايب بتاخد الاسمده وبتتشال ليهم على جنب لحد ميجيهم الكيف يستلمو غير ان الجمعيه مليانه بالحيازات الوهميه اللى اصحابها باعو الارض 

وهذا ما اكده بطرس حيث قال انا اكتر من مرة شفت ناس بتاخد كيماوى وهيه معندهاش ارض ولما سالت قالو انهم باعوها ولكن الحيازه متنقلتش والاعجب من كده ان بعض الفلاحين الاعضاء فى الجمعيه لايملكون اراضى نهائيا ولكن لديهم حيازات وهميه برعاية الاستاذ سيد عامر مدير الجمعيه

واختتم موسى الكلام قائلا الى متى يظل الوضع هكذا ومتى تكون هناك عداله

شارك هذا الموضوع

آراء الأعضاء

مواضيع مميزة