تـــذكـــره قصيدة للأديبة المصرية سوسن حامد سليمان

  • الكاتب ياسمين
  • تاريخ اﻹضافة 2017-02-12
  • مشاهدة 3

تـــذكـــره

قصيدة للأديبة المصرية سوسن حامد سليمان 
 بعنوان ( تذكره ) بمناسبة مجزرة شهداء الدفاع الجوى

تذكره
تذكره
و فيها شهادة
وداع
قـَطعت قلوبنا 
ع اللى ضاع 
الموت واحد صحيح
و الحق ضاع
الزفه جات فى المشرحه 
موت الشباب كان مصلحه 
بزنس فلوسه متلتله 
حـَبك الجريمه
ع العيال
حـَملهم النقل
بشوال 
و الأمهات بالشلشله
طالعه تصوت ع العيال
كام جثه
و هيه مهلهله 
مين قـَطع العيال ؟؟!!!!!! 
مين قـَطع العيال ؟؟!!!!!!
كل اللى جاوب كان عيال 
مافيهمش راجل
رد ليها ع السؤال ؟؟؟؟؟؟
أصل العيال 
كانوا كتير
محرومين
م الفسحه
و الأكل المتين 
راحو الملاعب
يفرحوا يومين
لامعاهم فلوس 
ولا تذكرتين
فقرا
و يا عينى 
ع الفقير
م الذل مالهوش 
مثيل 
قاموا جــم 
و هاجـــوووا 
ع العيال
قتل و ضرب
و قلبوها حرب
و بكل أنواع السلاح 
كرموهم
أحلى كرم 
لا ضمير ولا ندم 
أحلى هديه
دى تذكره 
بس اللى هيه 
بس اللى هيه 
معطره
تذكره
للموت مسكره
تذكرة سكووووووووووت 
بص
و أســكت
و مووووووووت 
تذكره
قصيدة للأديبة المصرية سوسن حامد سليمان
بمناسبة مجزرة الدفاع الجوى بتاريخ 10/فبراير2015 
 
رحمة الله على جميع الشهداء الأبرياء

نبيلُ  كلماتى الأديبة المصرية / سوسن حامد سليمان

شارك هذا الموضوع

آراء الأعضاء

مواضيع مميزة