زي ما وعدتكوا امبارح هقولكوا انا بعمل ايه فى شعري عشان الرسايل الكتير اللي وصلتني وبيسألوني ع الموضو

  • الكاتب mohanadfarahat
  • تاريخ اﻹضافة 2017-04-14
  • مشاهدة 7

 زي ما وعدتكوا امبارح هقولكوا انا بعمل ايه فى شعري عشان الرسايل الكتير اللي وصلتني وبيسألوني ع الموضوع دا يبقى كدا طبيعي والله ومن غير اي كريمات كلها مواد طبيعية ومفيدة للشعر وغير انها بتغذيه بتمنع تساقطه كمان ومتبقاش اصلع لما تكبر 1- زيت الزيتون ، الطريقة تسخنه لمدة 10 دقايق كدا وتسيبه لحد ما يبقى دافى شوية وبعدها تحطه على شعرك مع فوطة مبلولة بمايه دافية وهتحس بالنتيجة فى ساعتها
مرتين او تلاتة فى الاسبوع

2- طبعا كلكوا عرفتوا المايونيز مفيد للشعر بس ليه نشتريه من المحلات مغلف ويكون محطوط فيه مواد حافظة واملاح ممكن تضر الشعر ليه منعملهوش طبيعي ؟ 
طريقة عمله بسيطة اوي
يُفصل صفار البيض عن البياض ويوضع الصفار في وعاء. يتم التخلص من بياض البيض.
يُخفق صفار البيض على مهل ثم يضاف زيت الزيتون تدريجيا، ملعقة تلو الاخرى. تخفق المايونيز بواسطة الخفاق الكهربائي أو اليدوي. 
وحط عليه عصير لمون هيفيد الشعر جدا وهينعمه وهيغذيه هيبقى مرة واحدة بس فى الاسبوع وعشان الريحة ابقى اغسل شعرك بأي لوشن (شابو او بلسم ) وان شاء الله هيجيب نتايج فظيعة وعن تجربة

وفى الزبادي اللي بينضف فروة الراس ويساعد الشعر انه يطول بسرعة جدا وانا حاليا بستعمله لاني حلقت شعري وبيجيب نتيجة حلوة اوي فى خلال اسبوعين بس شعري طول نصه تاني ، الطريقة تدلكه على شعرك وتسرح بيه شعرك كله بمشط سنونه واسعة وتسيبه لمدة من ربع لنص ساعة مرة او مرتين فى الاسبوع بس واستني النتايج وادعيلي ... 

اي اسئلة اسألوني وانا ان شاء الله هجاوب عليها 
وبكرة هنزل طرق حلوة لتسريح الشعر وعمل السشوار والفرد من غير تلف الشعر لو الموضوع يهمك سيب كومنت وهبعتلك اللينك فى reply لما انزل البوست

شارك هذا الموضوع

آراء الأعضاء

مواضيع مميزة