سما المصرى: "أنا مش ذو ثقة علشان أعمل برنامج دينى والأزهر لن يجلس معى"

  • الكاتب esslam
  • تاريخ اﻹضافة 2017-04-04
  • مشاهدة 5

قالت الفنانة سما المصرى، إنها مندهشة من ردود الأفعال السلبية تجاه فكرة تقديمها لبرنامج دينى خلال شهر رمضان الكريم، مستنكرة تهديد البعض لها بتحريك دعاوى قضائية ضدها، وتابعت: "لسة مفيش برنامج وحلقات طيب ترفع قضية على إيه.. ليه الضجة دى ومفيش حاجة!.. الفكرة اتعرضت عليا وأنا حبيت أعملها كنوع من التحدى أنى أعمل حاجة جديدة، رغم أنا مش مهيأة ولا ذو ثقة أنى أعمل الموضوع ده". وأضافت الفنانة سما المصرى، خلال اتصال هاتفى ببرنامج "كل يوم"، الذى يقدمه الإعلامى عمرو أديب، عبر فضائية "ON E"، وراديو نغم "FM"، أنها لن تتحدث فى الدين مطلقاً كونها غير مؤهلة لذلك بالفعل، وتابعت: "أنا هكون مجرد محاورة فقط وفيه مشايخ من الأزهر بتحل مشاكل الناس.. والأزهر لو قعد مع مصر كلها مش هيقعد معايا". ورداً على سؤال مقدم البرنامج عندما قال: "حضرتك متخيلة فعلاً أن فيه علماء من الأزهر ممكن يجيوا ويحضروا معاكى فى الحلقة"، قالت "سما المصرى": "أنا سألت بتوع القناة نفس السؤال فقالوا لى أيوة.. بس أنا شاكة فى الكلام ده الحقيقة.. مفتكرش لو  أنا عالمة فى الأزهر هاجى أقعد أمام سما المصرى علشان أقول رأى فى الدين". ولفتت الفنانة سما المصرى، إلى وجود مشاكل بينها وبين القناة التى ستبث البرنامج بسبب ارتداء الحجاب، وتابعت: "فيه مشكلة مع القناة أنهم عوزينى أطلع بالحجاب وأنا مش محجبة.. أنا عارفة أن الناس هتقعد تتفرج عليا علشان تتريأق عليا وتشتمنى بس أنا بقول يمكن حد يستفاد من معلومة". 

شارك هذا الموضوع

آراء الأعضاء

الأوسمة

مواضيع مميزة