فلوس كلماتى الشاعرة الأديبة المصرية / سوسن حامد سليمان

  • الكاتب ياسمين
  • تاريخ اﻹضافة 2016-12-27
  • مشاهدة 9

فلوس
كلماتى الشاعرة الأديبة المصرية / سوسن حامد سليمان
فلوس
كل مشاكلنا فلوس
كل همومنا فلوس

فلوس تسعد نفوس
و فلوس تتعس نفوس
كل حياتنا فلوس
حتى ماماتنا فلوس
جواز بفلوس
ودفنه بفلوس
وفرح بفلوس
و أكل بفلوس
وشرب بفلوس
و مرض بفلوس
و علاج بفلوس
و سفر بفلوس
وهروب بفلوس
و نصب بفلوس
والبلد مليانه فلوس
والفلوس مع التيوس
بس الغلابه بتلوص
هاتجيب منين فلوس
لا حيلتهم مصنع
ولا شركه
ولا عندهم فلوس تركه
بس البلد بلدنا
و الفلوس فلوسنا
حتى لو فلسنا
وضع يد بتاعتنا
بلدنا كلها خير
بلدنا
بلدنا كتير
من غير ضمير
عندنا دهب
وفين ذهب
عندنا سكر
وضغط
و قلب
عندنا ناس ولاد كلب
مافيش إحساس ولادم
عندنا بترول
عندنا غاز
عندنا ميه
و كرامه
وش حلو
وخضره
وهوا
و نسمة صبحيه
تــرد الروح
عندنا كل حاجه شقيه
عندنا خير
عايز ضمير
عايز حُب للكل و للغير
فلوس فلوس فلوس
صحيح فلوس
تحل مشاكل
وهيه الفلوس بتجيب مشاكل
حرام الكترة تتشاكل
العطف مطلوب
و الرحمه مطلوبه
يا غنى حِــس بغيرك
سيب للفقير شويه
من خيرك
و بقولك كتر الله خيرك
خده جنبك ووسع له
الدنيا بخير
وشيل غيرك
كلنا لزوال
متع نفسك و عَـــيش غيرك
فلــوس
كلماتى الشاعرة ألأديبة المصرية / سوسن حامد سليمان
بتاريخ الثلاثاء الموافق  27/12/2016


Image title


شارك هذا الموضوع

آراء الأعضاء

مواضيع مميزة