فيروس الفدية WannaCry المنتشر حاليا بسرعة البرق

هجمة الفيروس الأخيرة آذت ناس كتير أوي .. وناس كتير أكل عيشها اتقطع وحياتها باظت !!

فيروس الفدية  WannaCryImage title
بيستغل ثغرة في نسخ الويندوز اللي ماتعملهاش تحديث من شهر مارس
بيشفر ملفات هاردك كله ويطلب فدية ٣٠٠ دولار عشان يرجعلك ملفاتك
يعني لو عندك شركة فيها ١٠ اجهزة هتدفع ٣٠٠٠ دولار
والدفع بيكون بعملة الكترونية اسمها
Bitcoin
 غير تابعة لأي جهة ولا يمكن تتبعها

ضحايا الفيروس خلال اول يوم فقط عشرات او مئات الالاف.. ويمكن ملايين
في اكتر من ١٠٠ دولة
منهم شركات كبيرة زي فيدكس
وهيئة الصحة البريطانية
وهيئة قطارات ألمانيا
ووزارة الداخلية الروسية
وجامعات في ايطاليا وامريكا
 والعدد بيزيد بسرعة رهيبة!

ومصر من الدول اللي انتشر فيها الفيروس للأسف
لانه بينتشر عشوائي.. مش بيستهدف اغنياء او شركات او دولة معنية
 ماعندوش التمييز ده.. بيستهدف كل اللي يقدر عليه وبيطلب نفس الفدية في كل الحالات

لو انت واحد من الناس اللى اتضررت معندكش اى حل غير انك تسيب الهارد بتاعك زى ماهو .. وتنزل تشترى واحد جديد تشتغل بيه لحد ما يظهر حل وممكن ساعتها ما تضطرش تفرمت شغلك وأكل عيشك ..

ولو انت لسه ع البر وجهازك سليم .. ألحق بسرعة احمي نفسك و اعمل تحديث للويندوز بتاعك أو على الأقل نزل تحديث ميكروسوفت المخصص لمواجهه الموضوع من اللينك ده:
 انا متعمدة ماأختصرش اللينكات عشان تشوفوا مصدرها بنفسكم وتطمنوا انها مواقع رسمية وقانونية مشهورة ومضمونة 
https://technet.microsoft.com/…/libr…/security/ms17-010.aspx
انزل لحد ماتلاقي اسم نسختك في الجدول
 دوس عليه وحمل اول ملف.. وسطبه

لو نسختك قديمة (فيستا او ما قبلها):
http://www.catalog.update.microsoft.com/Search.aspx…

أو ممكن تعمل الخطوات دي عشان تقفل الخاصية اللي فيها الثغرة مؤقتا 
Open Control Panel >>
click Programs>>>
Click Turn Windows features on or off.
 In the Windows Features window>>Clear the SMB1.0/CIFS File Sharing Support checkbox>>>> and then click OK to close the window.>>> then restart your computer

ولو مالقتش الخاصية في القايمة.. يبقى استخدم التول دي من سيمانتك لقفلها.. وابقى خلي الويندوز يعمل تحديث براحته
https://www.symantec.com/…/d…/smb2-toggle-too-mikes-tool-set

وطبعا ما تنساش تعمل باك اب لكل فايلاتك المهمه على فلاشة او هارد خارجي..
وماتفتحش اي لينكات او ملفات من اي حد تعرفه او ماتعرفوش
 والافضل ماتعملش داونلود لاي حاجة خالص الفترة دي

=============

كل الخطوات اللي فوق دي... للحماية فقط
 طب تعمل ايه بقى لو اتفيرست بالفعل ؟

لعله خير بإذن الله
الحلول حاليا صعبة
بس انا شخصيا مش هقدر اساعدك او اوجهك فيها خالص لاني ماجربتهاش بنفسي ومش تخصصي
 ولسة منتظرين شركة من الكبار تعمل حل سهل

لو حابب تجرب طريقة بنفسك
شوف اللينك ده:
http://soft2secure.com/knowledgebase/wannacry-wncry

ولو فشلت... يبقى جرب ده بس اصعب ومحتاج حد محترف وفاهم وعنده صبر
http://sensorstechforum.com/wncry-wannacry-virus-how-to-re…/

وانصحك انك تاخد نسخة من الملفات المشفرة قبل ماتعمل عليها اي حاجة.. عشان ممكن تبوظ منك اكتر... فتبقى محتفظ بنسخة مشفرة فيها امل ترجع... والنسخة التانية تحاول تفكها وماتزعلش عليها لو باظت منك

=============

*ملحوظه: البوست ده لوجه الله ... قابل لانك تاخده كوبي بيست وتحط اسمك او تشيره ف اكاونتك من غير ما تكتب منقول . ساعدوا الناس تحمي نفسها .. الله يبارك لكم. او تشاركوه من موقع هانج شير وكتر الف خيركم فالدال على الخير كفاعله ..

تم بحمد الله 

شارك هذا الموضوع

آراء الأعضاء

مواضيع مميزة