في ناس أتوجدوا صعبين ...

في ناس أتوجدوا صعبين 
وصعبين هنا مش معناها إنهم عصبيين أو وحشين في التعامل 
للأسف لاء المعني هنا إنهم صعب يوصلوا لأي حاجة بسهولة 
صعب يتكلموا عن اللي جواهم 
صعب ينبسطوا أو يضحكوا 
صعب ياخدوا علي أشخاص جداد 
صعب حتي ياخدوا قرارت 
الناس دول علي الأرجح مش مرضي وممكن يكون التعامل معاهم لطيف 
لكن مشكلتهم إنهم جواهم خوف ورهبة من المواجهة والتجربة وده بيسببلهم عدم ثقة 
واللي بتؤدي بدورها إنهم بيتفحصوا في كُل شئ وكل صغيرة وكبيرة 
يعني لو شافوا فيلم كوميدي ممكن يهتموا بالمشاهد أتعملت إزاي والأبطال خدوا جوايز ولا لاء
لكن ميضحكوش علي الفيلم نفسه 
لو المفروض يتكلموا عن موضوع شاغلهم هيحسبوا النتايج ألف مرة جواهم 
وحتي في أخذ القرارات والتعرف علي الناس بيكونوا مشتتين وبيفضلوا فترة كبيرة يستنتجوا النتائج
اللي هتترتب علي الخطوات دي .. بكل بساطة يعني بالبلدي كدا موسوسين 
فياريت يا جماعة نراعي جواهم الصراع الداخلي والرهبة والقلق الدائم 
ونتعامل معاهم بشكل ألطف ونحاول نوضحلهم كل الأمور بشكل أدق 
 لإنهم جواهم اللي يخليهم مش قادرين حتي علي عدم التفكير ..

شارك هذا الموضوع

آراء الأعضاء

مواضيع مميزة