كل اللى عايز تعرفه عن تحديثات الــ WhatsApp وإستخداماته

  • الكاتب salahmohamed
  • تاريخ اﻹضافة 2017-03-01
  • مشاهدة 14

فيه شويه حاجات نزلت فى التحديثات الاخيرة للواتس اب خلت الواتس ميكونش زى اى برنامج شات وخلاص ويمكن كتير مننا مايعرفهاش او لسه مكتشفهاش تعالو اقولكم ايه هما

فتح الواتساب على اللاب توب

88.png

كنا زمان بندور كتير على برنامج يفتح الواتس على الكومبيوتر او اللاب توب عشان يسهل التواصل مابينا وبين اللى بنكلمهم وده بيبقى مهم جدا خاصه فى الاوقات اللى بنكون قاعدين فيها على اللاب 
على الرغم من الميزة دى موجوده من فتره الا ناس كتير ماتعرفهاش وبدون اى برامج تنزلها على اللابتوب 
وطريقتها سهله جدا عن طريق كود QR . .

بالشكل دا

1/ افتح اى متصفح على اللاب واكتب اللينك دا

https://web.whatsapp.com/

22.png

2/ افتح الواتساب من الموبايل واضغط على Whatsapp web

3333.jpg

3/ هتلاقى الكاميرا اتفتحت من خلال الواتساب وهتعمل سكان على الكود اللى على اللاب توب بالشكل دا 

44.jpg


بس كدا هتلاقى الواتساب اتفتح كله على اللابتوب او الكمبيوتر وتقدر كمان تنقل وتحمل اى صور من على الواتساب على اللاب توب وماتنساش بعد ماتخلص تعمل log out 

تحديث الـ statues او الحالة

وده كان فى اخر تحديث.. والاستاتيو زمان كانت بتقتصر انك تكتب كلمة او جملة او كان بيخيرك مابين شوية حالات زى ( مشغول , فى العمل , فى المدرسه .. ) 
الموضوع ده اتطور فى اخر تحديث وتقدر تعمل الاستاتيو فيديو او صورة وتقدر تشاركها مع اصحابك
وللعلم الاستاتيو دى بتكون مدتها 24 ساعة 
وخطواتها

1/ اتفح الواتس واضغط على status

00.png

2/ اضغط على my status  هيفتحلك الكاميرا ولو عايز الستاتيو تكون صورة هتضغط مره واحده على الدايرة اكنك بتاخد صوره بالكاميرا عادى ولو عايز الاستاتيو فيديو اضغط وخليك ضاغط على الدايرة هيفضل يسجل فيديو 

555555555555.png

3/ بعد كدا هتلاقى الصورة او الفيديو نزلت عندك ولو ضغطت عليها هتقدر تشوف كام شخص اتفرج عليها 

55.jpg

4/ ولو عايز تمسح الاستاتيو .. اضغط على علامة النقط اللى جمب الاستاتيو ومنها اضغط على علامة سلة المحذوفات 

888888.png

5/ وبكده يكون الاستاتيو اتمسح

وممكن تتحكم فى خصوصية الاستاتيو ومين اللى يشوفها منstatus privacy وهتلاقيها هنا 

55555.jpg

ومنها هتقدر تتحكم فى  اللى يشوفها  

666.jpg


ودى كل الاسماء اللى فى موبايلك هتشوفها my contacts : 
تختار حد من الاسماء بعينه مايشوفهاش my contacts except : 
تختار حد معين هو اللى يشوفها only share with : 


فتح الكاميرا بسهولة

77.jpg

فى التحديث الاخير تقدر تفتح الكاميرا بسهولة عشان لو عايز تبعت لحد صورة من مره واحده بدل ماتفتح الكاميرا وتصور ومن بعدها تروح تفتحها من الجاليرى وترجع تعملها شير على الواتس 
وهيا بسهوله انك تحرك صوباعك لليمين هتلاقى الكاميرا فتحت

وتقدر تاخد الصورة اللى انت عايزها وبعد كده هيطلعلك كل الاسماء تختار منهم اللى عايز تشاركهم

شارك هذا الموضوع

آراء الأعضاء

الأوسمة

مواضيع مميزة