لو سألونى

Image title


بقلم / جيهان السنباطى

لو سألونى مين إنتى ؟؟

هقول ….

أنا اللى الدهر علمنى إن الكدب مالوش آخر

وإن الحظ متاخر

وإن الأمانى كتير بتوه وسط الأحلام

ودنيا صعبة ع الآخر

أنا اللى بدى من غير ما اخد

وإيدى دايما ممدودة بالخير للغير

لكن نصيبى متاخد

أنا اللى بمشى وسط الزحام أدور على وشوش باعت

وشوش ف الاصل قريبة

لكن بإختيارها وسط الزحام تاهت

أنا اللى بكتب قصتى على ورقة صفرا مقطعة

أكتب حروفها ماتتقرى

حروف صغيرة متنتورة

أنا اللى بعافر مع الزمن

بحفر بإيدى طريقى

وكل طريق ابتديه بيقتل حلم سنينى

أنا اللى ببنى وأكبر

أنا اللى لما بحب أدى أكتر

أنا اللى بطلب قليل م الدنيا

والنبتة دايما نبات دبلان اصفر

شارك هذا الموضوع

آراء الأعضاء

مواضيع مميزة