ما انت فاهم بقا ! ؟

بالنظرات و الهمسات و الغمزات دايما بنوقع فى 100 مشكلة و مشكلة لان الاسطورة المصرية القديمة بتقول ان اى 3 أصدقاء واقفين مع بعض و 2 منهم قربوا من بعض و واحد منهم غمز بعينه او كح كحه غير تقليدية او همس فى ودن التانى يبقا اكييد اكيد بيقولوا كلام على التلات اللى واقف معاهم و تبدأ بقا رحلة الشك فى دماغ اللى واقف لوحده و يقول يا ترى بيشتمونى ولا بيجيبوا فى سيرة ايه ولا بيحسدوا على الموضوع اللى حص معايا امبارح ؟ هم عرفوا منين اصلا ! ، و يفضل ياعينى يفكر و يفكر لدرجة ممكن يتحول للرجل الاخضر و يطيح فيهم ضرب ، و هو ميعرفش ان ممكن صاحبه اللى همس فى ودن صاحبه ممكن يكون بيقوله هات منديل علشان هعطس ، او ممكن عاوز يستلف منه ربع جينيه علشان يكمل على الاجرة بتاعته ام جينيه و ربع علشان يروح ، و المشكلة ان صاحبه دا ممكن يكون هيروح معاه فى نفس الطريق !

علشان كدا بنقول فى الكتالوج لاتفعل مع الناس ما لا تحب ان يفعلوه معك ، لما تبقا واقف مع اكتر مش شخص حاول يبقا الكلام عام لان اى جزئية خاصة ولو كانت صغيرة فهى مصدر ازعاج و قلق و احراج للشخص اللى واقف مش يعرف اى حاجة عنها ، خليك دايما عارف امته تقول الكلام اللى مش يجرح حد ، الكلام اللى يبقا مفهوم من غير لا نظرة و لا همسة و لا غمزة .

شارك هذا الموضوع

آراء الأعضاء

مواضيع مميزة