هل تعلم ما هى خطيئته ؟

  • الكاتب boky
  • تاريخ اﻹضافة 2017-06-16
  • مشاهدة 6

ما بين صراعات على سلطه وسياسات لمصالح دول بتدعى السﻻم بيعيش اطفال خايفين من الموت اللى عايش معاهم . اطفال عاشوا وبيعيشوا احداث بيعجز الكبار عن سماعها فى الوقت اللى المفروض يكونوا فيه بيعيشوا اسعد ايامهم . 
انا لحد دلوقتي مش قادر اصدق او حتى اقتنع باللى بيحصل ده ومستغرب اكتر ازاى احنا كأمه عربيه ساكتين عن اللى بيحصل ده بس امه سكتت عن اللى حصل ولسه بيحصل فى فلسطين والعراق واليمن وليبيا مش غريب عليها تشوف اطفال بتموت وتسكت .قد ايه شعور مقرف انك تبقى شايف كل ده بيحصل وواقف عاجز انك تعمل حاجه وفى الوقت اللى مستنى على الاقل دولتك تاخد موقف تﻻقى دولتك عاوز حد يساندها بادعاء البناء والاصﻻح وانت حتى مش عارف تحارب الارهاب علشان تبنى وتعمر وكل اللى تملكه شريطه سوده ونسيت ان ربنا جعل قتل النفس البشريه من الكبائر ليبينلنا مدى مكانتها عنده قبل عندنا وعلشان كده احنا عارفين قيمتها كويس وتقريبا كل يوم بيكون فيه شهيد عربى بس لحد امتى هيبقى ده حالنا ولحد امتى هنفضل ساكتين واحنا كل يوم مستنين نسمع كام واحد مات وكام بيت اتدمر وكأنه بقى موضوع عادى ومفبش حاجه بتحصل .

شارك هذا الموضوع

آراء الأعضاء

مواضيع مميزة