هي الكلاب بتحلم زينا ولا ايه !؟

  • الكاتب AmiRa A. Salama
  • تاريخ اﻹضافة 2017-08-22
  • مشاهدة 5

هي الكلاب بتحلم !؟

كتير مننا بيعتقد إن الكلاب بتحلم ومعظم أصحاب الكلاب لاحظوا إن في أوقات مختلفة خلال نومهم، بعض الكلاب بترتجف، وتشد ساقيها بقوة أو ممكن تهر حتى، مما يعطي الانطباع بأنهم بيحلموا . على المستوى الهيكلي، أدمغة الكلاب مماثلة لأدمغة البشر، أيضا أثناء النوم أنماط موجة دماغ الكلاب مماثلة لأنماط موجة دماغ الانسان، وبتروح خلال نفس مراحل النشاط الكهربائي في البشر، وكلها بتتماشي مع فكرة أن الكلاب بتحلم. في الحقيقة لو الكلاب مبتحلمش دا هيكون مفاجأة أكبر بكتير؛ نظرا لأن الأدلة الأخيرة بتشير إلى أن الحيوانات اللي هي أبسط وأقل ذكاء من الكلاب بتحلم . (اثيو ويلسون و كينواي لوي ) من معهد ماساتشوستس للتكنولوجيا معاهم أدلة على أن أدمغة الفئران خلال النوم بتعمل بطريقة لا تقاوم وبتشير إلى انها بتحلم . وبما إن كتير من الاحلام اللي بنحلمها بالليل بتكون مرتبطة بالانشطة اللي شاركنا فيها فاليوم دا، فلاحظو ان نفس الحوار دا بيحصل للفئران، وبالتالي لو الفار مشي مثلا في متاهة معقدة خلال اليوم فمن المتوقع انه يحلم بيها بالليل، وعن طريق التسجيلات الكهربائية من الحـُصين "hippocampus" (منطقة من الدماغ مرتبطة بتكوين الذاكرة والتخزين) وجدوا ان جزء من الانماط دي كانت محددة جدا ويمكن تحديدها من تحركات الفئران، وبعد ما الفئران نامت وموجات الدماغ أشارت الي انها دخلت في مرحلة غالبا الانسان بيحلم فيها، ظهرت نفس الانماط من موجات الدماغ وكانت واضحة جدا وبالتالي قدروا يحددوا الفار في أي جزء من المتاهة لو كان صاحي وهيتحرك ولا هيفضل واقف وقالت ويلسون فنتايج بحثها ان الحيوان بيبقي فاكر بالظبط ذكريات الحدث اللي حصله كأنه صاحي ودا اللي بيعمله الانسان لما يحلم .دماغ الكلاب معقدة اكتر ولكن بتظهر نفس التسلسل الكهربي للانسان وبالتالي من المعقول اننا نقول ان الكلاب بتحلم، وفيه ادلة بتشير الي ان الكلاب بتحلم بالانشطة المشتركة الخاصة بيها. النوع دا من الابحاث بيستفيد من حقيقة وهي ان فالدماغ بنية خاصة تسمي (Pons ) اللي بتخلينا نمثل في احلامنا، لما العلماء قاموا بنزع او تعطيل الجزء دا من الكلاب لقوا انها بدأت تتحرك ع الرغم ان التسجيلات الكهربائية بتشير لانهم لسه نايمين وانها مبدأتش تتحرك غير بعد دخول المرحلة اللي الانسان غالبا بيحلم فيها وفعلا بدأت الكلاب بتنفيذ نفس اللي كانت بتعمله والجزء دا موجود، ووجد الباحثون ان مؤشر الحلم هيبدأ يشوفلوا فورا لعبة او يروح لنقطة ما .سهل جدا تحدد امتي كلبك بيحلم من غير جراحة دماغ او تسجيلات كهربائية عن طريق انك تلاحظه من الوقت اللي بيبدأ ينام فيه، وكل ما نوم يبقي اعمق تنفسه بينتظم اكتر، وبالنسبة لكلب متوسط الحجم فحوالي بعد 20 دقيقة بيبدأ حلمه الاول وهتعرف انه بدأ يحلم من ان تنفسه هيصبح غير منتظم وقليل وممكن يكون فيه انتفاض للعضلات غريب ولو بتلاحظه من قريب هتلاقي ان جفون عنيه بتتحرك ودا لأن الكلب بيدور ع صور للحلم كما لو انها صور حقيقية وحركات العين اغلب ميزة للحلم اثناء النوم، ولما الإنسان يصحي اثناء حركة العين السريعة او ما تسمي بمرحلة النوم ( REM ) "النوم العميق " بيعرف انه كان بيحلم وقتها .

شارك هذا الموضوع

آراء الأعضاء

مواضيع مميزة