ولا عمرو الشريف when man love the woman


Image title


عايزه  احكيلكم عن فيلم اتفرجت عليه امبارح اسمه when man love the woman

الفيلم بيحكي عن طيار وقع في غرام ست حلوه  مطلقه  و معاها من  جوزها الاول  بنت  وبعد  ما اتجوزها و  خلفوا  بنوته  كمان اكتشف انها بقت مدمنه كحول  و مع الوقت حولت حياته و حياه  البنات لجحيم  .. كان  لازم يحاول  يعالجها و فعلا دخلت مصحه لعلاج الادمان

لما بدات في التعافي .. بدأ  يحس ان مشاعرها اتغيرت تجاهه ، وحاجات كتير جوه عقلها وقلبها  اتغيرت

ورغم انه حاول  بكل الطرق اللي يعرفها  انه يقرب منها من تاني الا انه فشل يرجع حبها له زي ما كانت قبل رحله علاجها

رحله التعافي غيرت نظرتها لكل تفاصيل علاقتهم ببعض ، خرجت من المصحه ست تانيه

جوزها اختار انه يبعد علي امل انها هترجعله من تاني لوحدها ،

ولانه كان بيحبها من قلبه فعلا ، قدر مع الوقت يفهم  ان الغلط كان في طريقه تعامله معاها

الفيلم بيخلص وهو بيقولها  انا آسف  لاني عملت كل حاجه ممكن تساعدك علي التعافي ماعدا  اهم حاجه  و  هي  الانصات  الجيد  

هو  دا  فعلا المفتاح  الاهم  في اي علاقه عاطفيه   ( الانصات  الجيد  )

وقت الشده  و الضعف  اي ست مش محتاجه منك   حاجه  اهم  من  انك تسمعها ،  تسمعها بتركيز  و رغبه حقيقيه في مشاركتها كل تفصيله جواها  مهما كانت تافهه بالنسبه لك

اوعي تسيبها تتألم  لوحدها ، والا يوم ما تخف من وجعها  و الشده  تنتهي خلاص مش هتبقي محتجالك  و لا فارق معاها وجودك  او عدمه

اهم  مساعده ليها   وقت الضعف  هو  انك تسمعها ،  تحس بيها  ، و تقرب منها  بكل طاقه الحب اللي جواك  

لو بتحبها  اسمعها   وبس،   

اسمعها  من غير نقد  ولا  تجريح ولا احكام ،

اسمعها  من غير تريقه  علي افكارها الهايفه  .

حاول علي اد ما تقدر تبقي
الراجل اللي يقدر يسندها وقت الضعف
اللي يبقي جنبها وقت الشده ،
اللي بيعرف يخليها سعيده حتي وانت مش معاها ،
حاول تقرب منها اكتر...
عشان تفضل تشوفك فارس احلامها اللي اتمنت تسكن جواه ،
بطل فيلها المفضل اللي عمرها ما هتمل منه مهما عدت السنين ،
شريكها في الرقصه اللي في خيالها  وبس ،
خليك صاحبها اللي متقدرش تخرج  من غيره عشان دايما الخروجه معاه احلي بكتير ،
عشان تفضل تشوفك مصباح علاء الدين اللي بيحققلها كل احلامها  مهما كانت ساذجه و بسيطه ،
ابوها اللي دايما في ظهرها مهما  حصل ،  خليك اد  ثقتها فيك
وهتفضل  علي طول  شيفاك  اجمل  واحن راجل في الدنيا حتي وانت عندك 100 سنه  هتفضل  شيفاك   ولا   عمرو الشريف


Image title


شارك هذا الموضوع

آراء الأعضاء

الأوسمة

مواضيع مميزة