ياترى الدولار مش هتقومله قومه تانى فعلاً ؟

  • الكاتب salahmohamed
  • تاريخ اﻹضافة 2017-03-01
  • مشاهدة 7

بعد التوقعات انه هايروح لـ 20 و 21 و 22 جنيه , نزل الدولار على غير المتوقع للاسبوع التانى على التوالى لغاية ماوصل انهارده لـ 17.45 ودا السعر اللى ماوصلوش من ايام التعويم يعنى من اكتر من 3 شهور .. مش كدا وبس لا كمان فى الايام اللى فاتت اختفت السوق السودا بشكل غريب ودا له معانى كتير .. أولها ان اكيد مافيش طلب على الدولار من المستوردين .. وكان سعر السوق السودا فى بعض الاماكن بيبقى اقل من اعلى سعر بالبنوك ...

طيب دلوقتى الدولار رايح فين ؟ ودا السؤال اللى محير ناس كتير وليه النزول الجامد دا تعالو نشوف الاسباب

usa-1935750_960_720.jpg

مافيش طلب على الدولار
اكتر اسباب اللى بتخلى السعر يزيد هو الطلب عليه وخاصه فى السوق السودا واكتر تجار بتطلب الدولار هما ( تجار العربيات – والدواجن – والموبيلات ) وزى ما اصحاب الصرافات بيقولو ان التجار دول مابقوش يطلبوا دولارات زى الاول وده لاسباب كتير اهمها الركود الـ فى السوق بسبب ان الاسعار عاليه وحركة البيع قليله

زياده المعروض من الدولار
مع اول حركه للسعر بالنزول بيبدأ الناس تفكر انها تفك الدولار الـ معاها خوف من ان الاسعار تنزل اكتر واكتر ودا الـ بيحصل دلوقتى ونسبة كبيرة بدأت تروح تسيل الدولارات الـ معاها

تحويلات العاملين فى الخارج 
تحويلات العاملين فى اخر شهر فى السنه دايما بيكون اكتر شهر بيتم فيه تحويل الدولار يعنى شهر 12 الـ فات اتحول لمصر 1.6 مليار دولار بعكس السنه الـ فاتت فى نفس الفتره كان التجويل 1.4 مليار يعنى بنتكلم فى زياده اكتر من 15%

dollar-1974694_960_720.jpg

بيع سندات الخزانه 
كلنا سمعنا ان مصر باعت فى البورصات العالمية سندات بـ 1.5 مليار دولار وكان عليها اقبال ضخم وغير متوقع والرقم ممكن يزيد فبالتالى دى حصيلة دولارية تقدر انها تخفض سعر الدولار

تراجع الاستيراد 
وده ملحوظ فعلا خلال الـ 3 شهور الـ فاتو وفيه كلام ان الاستيراد قل بنسبة 90 %

أجازة الصين 
ودى اكبر اجازه فى الصين ودى لسه خالصه من اسبوع وكانت الشركات اجازه فبالتالى مكنشى فيه استيراد الفتره اللى فاتت مع الصين وهي اكبر شريك تجارى مع مصر

money-742052_960_720.jpg

انخفاض سعر الدولار عالميا 
وده برده من الاسباب اللى مش واضحه للناس لان الدولار دلوقتى نزل لأدنى سعر له من 30 سنه وده بسبب مخاوف المستثمريين من الرئيس الامريكى الجديد

دى كانت اهم اسباب اللى خلت الدولار يوصل لـ 17.4 طيب دلوقتى هل هيكمل هبوط ..؟
 اه ممكن ينزل بس هيكون نزوله بشكل ابطْء مش هيكون بالسرعه الـ شوفناها الاسبوع الـ فات وممكن يفضل فى الاسعار من 16.7 الى 17.9 خلال اللى 3 شهور الجايين واما مستويات اللى 18 ممكن نشوفها قبل موسم رمضان لان زى ماحنا عارفين بيكتر فيه الطلب على الدولار .

1.jpg

ونتمنى كمان ان الاسعار تنزل شويه زى ما زادات لما الدولار زاد فالمفروض انها تنزل برده دلوقتى وده الـ لسه ماشوفناهوش .

إقرأ كمان

10 ردود تقولها لو عايز تهرب من الهدية وإحتفال الــ valentine 

شارك هذا الموضوع

آراء الأعضاء

مواضيع مميزة