شارك هذا الموضوع

أول مقابلة عمل في حياتك

أول مقابلة عمل في حياتك .... أكيد بيكون لها إحساس تاني ومبتقدرش تنساها طول عمرك سواء كانت زكرى جميلة أو أقل جمالاً

فاكر أول مخلصت دراستك وكنت فرحان ومقبل على الحياة وحاسس أنك حتكون حاجة كبيرة

ولا فاكر لما الناس أبتدت تحبطك وتقلك لا مفيش فايدة محدش بيشتغل شغلانته أو تخصصه

سواء كنت أستجبت أو لا لكلام الناس أكيد كلامهم ساب جواك إنطباع !

فلو إنطباع سلبي أكيد حتكون أشتغلت في غير تخصصك اللي كنت بتحلم بيه وبتعافر علشانه

لو أنت كدا تعالا نتخيل أو مقابلة في حياتك

صحيت الصبح وأنت متضايق وبتقول أنا حعمل إيه هيا الدنيا والبلد اللي أجبرتني على كدا

وبعد كدا رحت المقابلة وأنت حاسس أنك بتعمل حاجة غلط بس مفيش مفر

ابتدت المقابلة بالتحية و الإبتسامة المغلوطة

وبعد كدا عرفت نفسك كإنسان طموح مبيقفش على مجال أو مكان وأنك عايز تنجح في أى مجال حتى لو مش تخصصك

وبعد كدا رصيت كل الكلام اللي أنت كنت محضره وحافظه علشان المقابلة

ونفترض أنك نجحت واتقبلت في الوظيفة ..... يعني إيه ممكن كمان متنجحش ؟ أيوة .

 وأنتهت المقابلة على كدا .... هل أنت سعيد

حتحاول تقنع نفسك أنك سعيد أن اللي عملته كان لازم يتعمل وحتعيش حياة روتينية مملة

هل الشخص ده غلطان ؟ أنا عن نفسي شايف أنه مش غلطان لأن الظروف أجبرته على كدا وكان ضحية لواقع أليم

ولو أنت برضو مستسلمتش للواقع وحاولت لحد ملقيت مقابلة عمل مناسبة لتخصصك حتى لو كانت مترضيش أمالك

نتخيل سوا المقابلة

صحيت الصبح بدري ولبست أشيك حاجة عندك "رسمية طبعاً"

وبعد كدا رحت المقابلة وأنت حاسس أنك إنسان إيجابي مش مستسلم للواقع والظروف

وأبتدت المقابلة وحاولت من خلالها تبين كل مهاراتك ولا كأنك ميسي في الكورة

فمن رأيي في الحالة دي سواء أتقبلت أو لا حتكون راضي عن نفسك وحتحاول مرة واتنين علشان أنت مصدق حلمك

فالإتنين صح كل واحد من وجهة نظره .... أنت وجهة نظرك إيه ؟؟؟

إسلام أشرف

آراء الأعضاء

مواضيع مميزة

انشر مواضيع واحصل على ربح فوري