شارك هذا الموضوع

اي كلام فاضي


اللي نشر لنا زمان أيام الربيع الأسود.. مقال عبيط عن "رئيس أمريكا اللي الموظفة طلبت بطاقته فاضطر يروح البيت الأبيض يجيبها.. عشان القانون قانون".. عمل أعمى عن صورة وزير الداخلية المصري و هو بيتفتش عند بوابة إليكترونية.. لأول مرة من عقود...
الي كان دايما يتشدق لنا بحقوق الفقراء و الغلابة و حقهم في حياة آدمية "متضايق" من مساكن تحيا مصر و الدويقة و الأسمرات و غيط العنب الجديدة.. متضايق و بيحاول يطلع فيهم اي عيب.. الجمعيات مولت.. الملاعب قريبة أوي.. أي حاجة.. مش بس عامل نفسه مش شايفهم.. دا "متضايق" إن الناس سكنت في بيوت نضيفة...
و اللي قالك "مبارك قضى علي حلم مصر النووي.. و إسرائيل عندها نووي" ليل نهار بيسخر من مفاعل الضبعة النووي الجديد..
و الي قال لنا "القناة بتتسرق" لما اتعمل لها توسعة و قناة جديدة بقت "تفريعة و الاتنين بيخسروا"...
قالولنا العيش و أكل الغلابة.. فلما نزل في التموين زيت نضيف و سمك و لحوم و دجاج.. عملوا نفسهم مش واخدين بالهم.. و لا لما المحتاج لقى أنبوبة الغاز بسهولة و يسر....
لما المحتاج إتوفر له الوقود.. بقى جل حلمهم تحصل أزمة مصرية سعودية.. فيشح الوقود و ترجع الأزمة...
اللي هتف لنا "سلمية" النهاردة بيقول لنا "لازم تموتوا عشان احنا تعيش" و بيدعم الإرهاب في كل مكان علي سطح الأرض بدعوى الثورة و المصالحة.. لو قامت ثورة في لبنان فهو أول داعم.. في ليبيا.. سوريا.. اليمن.. مع إن لو جبتله خريطة صماء و قلتله شاورلي علي لبنان.. ممكن يشاورلك على السنبلاوين.. بس داعم طبعا..
بس يزعل أوي لو قامت "ثورة الإسكان" في إسرائيل.. و يتحرق دمه لو حصل احتجاجات في إثيوبيا.. و يعمل مش شايف احتجاجات أمريكا...
يسمي لك التفجيرات و الدروع البشرية و القتل و الحرق و قلة الأدب و الانحطاط "ثورة و مقاومة" و "معارضة معتدلة" في سوريا.. إنما لما تحصل في تركيا يسميها "إرهاب"...
بتوع "ارتقوا فإن القاع قد ازدحم" مابتسمعش منهم النهاردة إلا أقذر ألفاظ تتبرأ منها أقذر بلاعة مجاري علي سطح الكوكب.. مع كذب متواصل و شائعات 24 ساعة..
الظاهر الكل ارتقى و القاع بقى رايق شوية.. فقرروا ينزلوا تاني لحضيض البكابورت.. سفالة و تفاهة و انحطاط.. من شخص المفروض بيقنعنا إننا نجربه كحاكم...
اللي قالوالنا "مبارك ضيع إفريقية" عاملين مش شايفين العلاقات المصرية الإفريقية و العمق الإفريقي.. و فرحوا لما مسئولة إفريقية قالت "المصريين قالوا علينا كلاب عبيد" و زعلوا لما الكاميرات و أجهزة التسجيل كذبتها...
اللي سخروا من عفاف شعيب زمان.. لما قالت إن ابن اختها الصغير نفسه في بيتزا و مش عارفين يجيبوها بسبب الثورة.. النهاردة بيعيطوا علي السومون فيوميه و المارشميللو و السويت كورن و اللوكر والكوتشي اللي بينور..
دول هم نفسهم الي قالولنا "مبارك ضيع الصناعة" و اتحرق دمهم من مبادرة "شجع منتج بلدك/ صنع في مصر"...
دول اللي أهانوا ملك السعودية زمان لما السلطات السعودية قبضت علي عيل شمام من ستة إبريل كان داخل بأقراص مخدرة.. و دلوقتي بيحرضوا السعودية تقاطع مصر...!
دول اللي اتضايقوا من الحلف المصري الروسي.. و راحوا يطبلوا للحلف التركي الروسي....
دول اللي خايفين علي أمريكا تجرب رجل الأعمال المليونير الشهير "ترامب" بس معندهمش مانع إننا نجرب العاطل "صباحي" في مصر...
دول اللي بتبقي سوريا بتحترق لما روسيا تضرب الإرهابيين فيها.. بس بتتطفي و تبقي حلوة و مابتحترقش لما اسرائيل تقصفها أو أمريكا تضربها بالطيران...
دول اللي قالولنا "الحل في العراق إن صدام يرحل و مش مهم مين ييجي" و "الحل في ليبيا إن القذافي يرحل و مش مهم مين ييجي".. و مصممين يجربوا نفس السيناريو في مصر و سوريا...
دول بتوع "و أعدوا" هم و الي راكبينهم.. اللي بيقولولنا "هو الجيش بيتسلح ليه" و بعدين الجملة العسكرية الاستراتيجية العبقرية الحمورية "مانجيب بدل السلاح سكر"

آراء الأعضاء

مواضيع مميزة

انشر مواضيع واحصل على ربح فوري