شارك هذا الموضوع

حفل الزفاف

حفل الزفاف كلنا بنستنى اليوم ده سواء كان لصديق او قريب .... فإيه هو الشعور اللي بيبقا جوانا واحنا في يوم زى ده ؟

تخيل معايا صاحبك اللي كان كتف بكتف معاك وبيفرح لفرحك وبيزعل لزعلك هل حيبقا فرحك بيه زي فرحك بأحد أقرباك !

في ناس بتفرح لأى حد وبتنشر الفرحة حواليها وميهمهاش مين اللي بتفرحله حتقلي بلاش شغل حوارات وكلام دبلوماسي

حقلك تمام أنت كراجل مبتبقاش عاطفي للغاية بل بتحكمك المواقف والتصرف بيختلف من شخص للتاني طبقاً لعوامل كثيرة

أولهم طبيعتك وأسلوبك في الحياة هل أنت إنسان متفاعل حبوب زى مبيقولو الناس ولا إنسان خجول وخنيق ؟

ثانيهم درجة قرب الشخص ده ليك ممكن يكون أخوك أو أختك فبالطبع ممكن تفرحله أكتر من فرحك حتي لنفسك

وإن تساوى الشعور في بعض الأحيان مع الشعور اللي بتفرحه لحد صديق قريب جداً ليك

وثالثهم انك ممكن تكون فرحان جداً بس مش عارف تعبر عن الفرحة اللي جواك وده بيرجع للسبب الأول

نسيبنا من الترتيب علشان شكلكم أبتديتو تملو ونقول العواطف والإنفعالات بترتبط بيك أنت أكتر من إرتباطها بالشخص التاني

فممكن تكون زعلان من شخص جداً وأول ميقولك على حفل زفافه تبقا فرحان والفرحة مش سيعاك وده راجع ليك أنت ولطبعك

وممكن شخص تاني يرد بفتور وكأنه بيقله أنا مش ناسي الموقف الفلاني أو إني مش مهتم بيك سواء قلتلي أو لا !

وده شخص منقدرش نلومه برضو ممكن يكون حصل موقف معين ومش قادر ينساه وده لأنه الشخص التاني كان عزيز عليه

ومتوقعش منه موقف زي ده ! زي مبيقولو ومن الحب ما قتل ... أيوة حبك لصاحبك ممكن يكون أقوى من علاقات تانية كتييييير.

آراء الأعضاء

مواضيع مميزة

انشر مواضيع واحصل على ربح فوري