شارك هذا الموضوع

حمامة السلام بقلم / الأديبة والشاعرة /سوسن حامد سليمان

  • الكاتب ياسمين
  • تاريخ اﻹضافة 2016-10-02
  • مشاهدة 10

حمامة السلام بقلم / الأديبة والشاعرة /سوسن حامد سليمان

---------------------------------------------------------------------------------

حمامة السلام

قولى الحق ومتخافيش

واقفة عارجة متخجليش

قولى قولى مين طفشك

من عشك وم تزعليش

قولى مين طخك فى رجلك متنزفيش

قولى مين قتل جوزك النسر

وحالته حرجه وموش هيعيش

قولى مين قتل ولادك

وهد بيتك وطالع يقولك إطمنى م تخفيش

قولى قولى غصن الزتون إتحرق

قولى الضمير مات إتسرق

قولى الحرب بين الشر وبين الحق

قولى مين حرق الكنايس والمساجد

وقتل كل اللى ساجد

قولى للظالم مها تكون هقولك لا

قولى للظالم دانا توبى الابيض إتصبغ

اصلى حمامة بيضة وتوبى السلام

ناصع بياضه ضد اللئام

أرفض وانفض ريشى

من حمام الدم والانتقام

قولى قولى لاسود القلب

مها حاولت موش هتغير لونى

انا لونى الابيض هو السلام

واللون الاحمر دم ولادى ولاد الحمام

ولونك الاسود القبيح لون الانتقام

قولى قولى للظالم إرجع لنقطة الحق والسلام

قولى قولى حركى كل الضماير والعقول والالسنة

تقف ضد السفاح ميهمكيش

قولى قولى حركينا شجعينا

هتشوفى النخوه فى عنينا

قولى قولى لسه ضمير

الامل صاحى قدام عنينا

قولى

الاديبه والشاعره /سوسن حامد سليمان

Image title


آراء الأعضاء

مواضيع مميزة

انشر مواضيع واحصل على ربح فوري