شارك هذا الموضوع

خلى بالك م إللى كدبه مساوى إعلام تضليل بقلم / محمد نايل

  • الكاتب ياسمين
  • تاريخ اﻹضافة 2016-10-25
  • مشاهدة 5

خلى بالك
م إللى كدبه مساوى
إعلام تضليل 
والله مايساوى
تكدب على مين
ياابو فكر خاوى
ويخيل على مين
فاكرلى حاوى!
بيقلب كل الحقايق
وفين أصول المرجلة
مش ممكن توقع 
بين الشقايق
ولا مسموحلك
تعمل بلبلة
بتصدق نفسك 
وللا أنت هواوى
خلى بالك 
م إللى كدبه مساوى
إعلام تضليل 
والله مايساوى

بياخد لقطة
ويركب صورة
مصقات ساقطة (أقنعة ساقطة)
وكشفنا الفزورة
لا تقولى مسيرة
ولا مليونية 
ولا حتى سلاسل بشرية
وتبقى الدنيا هادية
لا حس ولا خير 
عايزنها تبقى فوضى!
دا كان زمان وجبر
تكدب على مين 
ياابو فكر خاوى
ويخيل على مين 
فاكرلى حاوى

يقص كل مقطع
لجل الكلام ميطلع
ويخرج عن سياقة
واجب الشرف بيخونه
يفرغ م الكلام مضمونة
ويا الإفك بيدور فى سباقة
ألسنة جارحة وسبابة
بدل إشارة مرابعة
طب شير بالسبابة
لو صحيح بتشكى لربك
وللا دى نعرة كدابة!
تكدب على مين 
ياابو فكر خاوى
ويخيل على مين 
فاكرلى حاوى

خلايا نايمة ومكشوفة
حيالهم عايمة ومعروفة
ماهى الوجوه هىه هيه
وأخينا إللى عاملى كنيش
ويقول أنا مش معاهم 
وخلطة بيهم مليش 
عشان يميع القضية 
دى صيغة باهتة وموصوفة
تكدب على مين 
يابو فكر خاوى 
ويخيل على مين 
فاكرلى حاوى 
مش ممكن توقع 
بين الشقايق
ولا مسموحلك تعمل بلبلة 
بتصدق نفسك
وللا أنت هواوى
خلى بالك
م إللى كدبه مساوى

بقلمى
محمد نايل

Image title


آراء الأعضاء

مواضيع مميزة

انشر مواضيع واحصل على ربح فوري