شارك هذا الموضوع

شرخ ولا كسر ياضاكتور

بينما يجلس  د.عتريس نوباتجي العظام في العياده الخارجيه يناظر حالاته دا عنده جزع ودا مزق ودا رضوض ودا كدمه في وسط سيل من الحالات لا ينتهي وكله بيتراضي وبياخذ نصيبه من المسكنات ما بين حقن ومراهم ولبوس وحبوب وبين اسئله ممله ومشهوره من مريض العظام يجيب عنها د عتريس بكل انتفاخ ياضاكتور متكتبليش مسكنات علاج الاعصاب بيتعب المعده طب المعده تعباك ياحاج لا يابني بس الناس بيقولوا علاجكم بيتعبها طب قوم ياحاج الله يهديك وفي خضم هذا الجدال العقيم يظهر بطلنا العظيم ياضاكتور اشعتي فيها شرخ ولا كسر مع بصه سريعه من الدكتور عتريس للاشعه وراس المريض بين الاشعه والدكتور. يجيب د عتريس فيها كسر. ازاي ياضاكتور ؟ بس بتاع الاشعه بيقول شرخ فيرد د عتريس وانت شايف ايه قدامك ؟ شايفه شرخ ياضاكتور خلاص ياحبي يبقي شرخ جاك وجع في شرخك يابعيد صدعتونا . وايه علاجه ؟ جبس تحت الركبه 6 اسابيع .طب ما ينفعش رباط ضغط ياضاكتور ؟ لع بس 6 اسابيع يامه قوي. دي فترة لحام الكسر ان شاء الرحمن. ما ينفعش يبقوا 4 اسابيع بس ؟ اصل عندنا فرح اخوه قريب خلاص زي ما تحب بس لو ملحمش متبقاش تعيط بعد كده.

آراء الأعضاء

مواضيع مميزة

انشر مواضيع واحصل على ربح فوري