شارك هذا الموضوع

عيون #ندى_عصفور_الجنة بالعريش تحاكم النظام والجيش: تفاصيل مقتل ندى بنيران صديقة امام المدرسة!

Image title

أعد التقرير : أشرف بهاء الدين 

 هل انتقم الجيش لمقتل العميد عادل رجائى باغتيال الأطفال بالعريش ؟ 

تفاصيل مقتل الطفلة "ندى أحمد خميس أبو أقرع ... (من مدينة العريش برصاص قوات الجيش المصري العشوائية ..........  (نقلا عن شهود عيان حضروا الواقعة)


ندى ١١ سنة طالبة في الصف السادس الإبتدائي بمدرسة الزهور الإبتدائية بمدينة العريش 
اليوم الصبح جت حملة على حي الزهور ووقفت مدرعة قدام بوابة المدرسة لغايه ميعاد خروج الأطفال

مع طلوع الأطفال من البوابة كان في عسكري واقف قدام البوابة وماسك سلاحه فجأة وبدون سابق إنذار ضرب نار عشوائي الطلقة جت في رأس "ندى" وماتت في الحال وأصيب الطفل "ممدوح محمد إبراهيم"..

العسكري اللي قتلها أصابه ذهول فضل على الأرض بسلاحه جنب ندى يخبط على دماغه ويلطم على وشه راح أصحابه أخدوه وركبوه في المدرعة

إحدى صديقات ندى كانت معاها فضلت تصرخ وتقول صحبتي يا ماما ندى ماتت يا ماما وأصيب المدرسين والأطفال والأهالي بحالة هلع وغضب لما شافوا دماغها متفرتكة على الأرض

تقول إحدى أولياء الأمور: لغاية امتى هنفضل كده مهزلة ودمنا رخيص كده؟ يوم مايتنسيش مع العيال يشوفوا صاحبتهم كده في الأرض ودمها سايح.. أول ما ندى اتقتلت كلنا نزلنا نشوف حصل ايه وقعدنا نصرخ وجت باقي الحملة عند المدرسة وجه الظابط قعدنا نزعق بأعلى صوت وقولناله: يا ظلمة انتوا جايين تحمونا ولا تموتونا؟ هو العسكري ده بيتعامل مع هدف ولا شاف إرهابي؟ بيضرب أرضي ليه؟ وشاف ايه قدامه علشان يضرب مع طلوع العيال؟!

فكان رد الظابط: والله هيتجازى وهيتحاسب وقعد يقول انا حاططها انها بنتي والعسكري بعدها اختفى حطوه ف المدرعة..
وجت الاسعاف بعد ساعة مع العلم ان الاسعاف تبعد عن المدرسة بعمارتين والعساكر كلها استنفار أمني وعمروا أسلحتهم..

أصعب مشهد عند قدوم أم ندى وأبوها الله يطفي نارها ويصبرها هيا وأبوها.. أبوها حضن ندى ونام على جثتها واغمى عليه وأمها قعدت تصرخ بصوت عالي وتحضن فيها وفي دمها..

دى لو بنتك يا سيسي ..  كنت هاتعمل  ايه ؟ 


Image title


Image titleImage title

آراء الأعضاء

مواضيع مميزة

انشر مواضيع واحصل على ربح فوري