شارك هذا الموضوع

قصة مثل ... الباب الي بيجيلك منه الريح سدو واستريح


يعبر عن اهمية الابتعاد عن الشىء الذى يجلب الامور السيئة للانسان وان كانت تؤدى الى سبيل السعادة فمن الافضل تركها ان كانت ستؤدى الى المشاكل.


محمد شاب طموح وناجح أكمل دراسته الجامعية .. ويعمل بشركة خاصة .. بانتظار الوظيفة ..
أراد محمد أن يكمل نصف دينه ويتزوج من ندى البنت التي أحبها وأختارها لتكون شريكة حياته ..
لكن تقف حواجز كبيرة أمامه والتي يضعها والد ندى الأب الغني الذي يحب ابنته لكنه لم يعرف كيف يحقق السعادة لها .. ولجهله أرهق محمد بطلباته التي جعلته يترك ندى ويذهب ليتزوج من غيرها لا تكلفه فوق طاقته ..

الحوار ..

محمد يتصل على ندى ...

محمد : مرحبا ندى كيفك شو أخبارك ؟؟
ندى : منيحة .. كيفك انتا ؟؟
محمد : مشتائلك ياعمري ..
ندى بصوت خجول : تشتائلك الجنة حبيبي ..
محمد : اسمعي بدي اقلك انه اليوم جايب اهلي مشان نخطبك ..
ندى : يااااااي .. هادا أحلى خبر سمعته بحياتي ..
ندى : امتى راح تيجو ؟؟؟
محمد : بعد صلاة العشاء ..
ندى : لا خليها الساعة 10 بيكون البابا موجود ..
محمد : اوك حبيبتي ما في مشكلة ..
ندى : انا رايحة أخبر أمي ..
محمد : ماشي ياعمري .. سلمي عالميمة ..
ندى : بيوصل سلامك ..مع السلامة ..
محمد : باي ..


ندى تذهب لأخبار أمها الخبر السعيد ..
ندى : ماما .. محمد جاي اليوم ليخطبني ..
الام : مبروك يا بنتي .. بس .. إن شاء الله أبوكي يوافق ..
ندى : وليش لحتى ما يوافق ؟؟ محمد شب منيح وهو بيعرفه وبيعرف أخلاقه ..
الأم : إيه منيح بس تعرفي أبوكي ..
ندى : لا ما تخافي البابا ما بيرفض لي طلب ..


في المساء :: يأتي محمد مع أمه ووالده لخطبة ندى ..
أبو راتب : أهلين والله أبو محمد .. يا أهلين وسهلين .. اتفضلوا اتفضلوا ..
أبو محمد : اهلين فيك يا أبو راتب ..
أبو راتب : شو أخبارك يا زلمة .. زمان عنك ..
أبو محمد : الحمد لله بنشكر الله ..
أبو راتب : الحمد لله .. وكيفك يا محمد ؟؟ ها كملت دراستك ؟؟
محمد : ايه والله ياعم كملت الحمد لله ..
أبو راتب : وهلأ شو بتعمل بتشتغل ؟؟
محمد : ايه بشتغل بشركة محاسب ..
أبو راتب : ما شاء الله .. كم بيعطوك فيها ..
محمد : 2000 شيكل ..
أبو راتب : وبتكفيك 2000 شيكل ؟؟ بتصرفهم على مواصلات ولا على ملابس و لا...
محمد : مستورة يا عمي والحمد لله ..
أبو راتب : هات القهوة يا راتب ..
أبو راتب : اتفضل يا أبو محمد ..
أبو محمد : قبل ما نشرب قهوتنا إلنا طلب عندك ..
أبو راتب : ايش طلبك يا أبو محمد .. أتفضل يا زلمة ما تخجلش ..
أبو محمد : لا بدهاش خجل ..
أبو راتب : طيب اتفضل ..مين ماسكك ..
أبو محمد : مثل ما أنت شايف محمد ما شاء الله عليه كمل دراسته وبيشتغل . فقلنا نجوزه ونفرح فيه ونشوف ولاده ..
أبو راتب : آه شايف .. وما تجوزه يا راجل
أبو محمد : مهو بدنا نجوزه المحروسة بنتك ندى ..
أبو راتب : بنتي ندى ؟؟؟؟
أبو محمد : آه ندى ..
أبو راتب : بس ندى بدها تكمل دراستها وتصير دكتورة ..
أبو محمد : وماله تتجوز وتكمل دراستها وتصير دكتورة ..
أبو راتب : آه ازا هيك ممكن ..
أبو محمد : يعني موافق ..
أبو راتب : آه موافق .. هو انا حلاقي أحسن من ابنك أجوزه بنتي ؟؟ بس أنا عندي شروط ..
أبو محمد : أتفضل أشرط على كيفك .. إن شاء الله كل شروطك مقبولة ..
أبو راتب : أولا : بدي بيت خاص لبنتي ..
أبو محمد : بس بتعرف يا أبو راتب إن بيتنا كبير وما فيه غيري وإم محمد ومحمد ..
يعني بنتك إن شاء الله بتكون مرتاحة معنا ..
أبو راتب : لا أنا بدي بيت لبنتي خاص فيها .. ما بدي حدا يتحكم فيها ..
أبو محمد : طيب راح نشتري لبنتك بيت خاص لها ..
أبو راتب : وبدي كمان البيت يكون قريب من مستشفى .. لانك بتعرف إن بنتي راح تكون دكتورة ..
فلازم بيتها يكون قريب من عملها ..
محمد : يا عمي راح نأمن البيت .. بس ما راح نقدر نأمن إنه يكون قريب من مستشفى .. هذا صعب ..
أبو راتب : لا أنا قلت البيت يكون قريب من المستشفى يعني قريب من المستشفى ..
أبو محمد : خلص ولا يهمك إلا ما نلاقي بيت قريب من المستشفى ..
أبو راتب : وبدي كمان سيارة وسائق خاص لبنتي ..
محمد : شووووووووووووووووو
وليش السيارة اذا البيت راح يكون قريب من المستشفى ؟؟؟
أبو راتب : السيارة مشان تروح مشاويرها الخاصة امتى ما بدها ..
محمد : طيب وليش السائق الخصوصي ؟؟؟؟
أبو راتب : السائق الخصوصي مشان ترتاح بنتي .. ولأنه لو مثلاً بدها تطلع مشوار وهي تعبانة تلاقي السائق تحت أمرها ..
محمد : طيب هي تعبانة ليش بدها تطلع مشاوير ؟؟؟؟؟
محمد : وشو كمان طلباتك ؟؟ ولا خلص خلصت ؟؟؟
أبو راتب : ضايل بس طلب صغير..
محمد : طلب صغير ؟؟؟ شو هو ؟؟؟
أبو راتب : بدي تعمل عيادة خاصة لبنتي ..
محمد : شوووووووووووووووووووووووو
مش ناقص غير تقلي افتحلها مستشفى خاص ؟؟؟

أبو راتب : آه فكرة حلوة المستشفى أحلا من العيادة ..
محمد : نعم ... عمي أنا خلص بطلت .. ما عاد بدي بنتك ..
والباب اللي يجيك منه الريح سده واستريح ..

آراء الأعضاء

مواضيع مميزة

انشر مواضيع واحصل على ربح فوري