شارك هذا الموضوع

موقدة عمي ....بقلمي ....ملك الأصفر

  • الكاتب ياسمين
  • تاريخ اﻹضافة 2016-10-19
  • مشاهدة 6

موقدة عمي ....بقلمي ....

........................

بحبك يا موقدة عمي بهاك الدار ....

يلي سهرنا بصحبتك أهل وسمار....

وشفنا النار الحمرا بقلبك هابة....

تولع وتشتعل وللحلا أسرار ....

بتذكر لمة الأهل حواليك ....

وإدين بردانة وممدودة ليك ....

وعمي يحط الحطب ويوقدك بالشيح ....

وتا تشعلي بالنار يرش من الكاز عليك ....

بتذكرك والجمر عم يضوي فيك ....

وبتذكر ليالي حلوة من لياليك ....

وعمي أبو حاتم يحكي لنا حكايات ....

حلوة من الماضي والسهر يحليك....

وقلوب صحيانة وبالحب دفيانة ....

وعيون عم تغفى وللسهر ضحكانة ....

وقنديل عم يضوي ويغني للفرح ....

بليالي الشتا ال بالخير مليانة ....

وينك يا عمي ووين الموقدة راحت ....

وين الليالي الحلوة ال بالماضي ضاعت ....

وين السهر وين الأحبا تفرقوا ....

وين الناس يلي بهالدني كانت ....

راحت الموقدة وانتست هاك الأيام ....

وتغير الماضي وتبدل كتير الزمان ....

وإجت أيام غيرا وصرنا فيها نترحم ....

على عمي أبو حاتم والموقدة أيام زمان ....

.........................

ملك الأصفر


Image title


آراء الأعضاء

مواضيع مميزة

انشر مواضيع واحصل على ربح فوري