شارك هذا الموضوع

يسري فودة: "السيسي عارف بيتكلم ازاي وبيخاطب مين"!!

  • الكاتب MY Dream
  • تاريخ اﻹضافة 2016-10-31
  • مشاهدة 6

انتقد الإعلامي يسري فودة، تصريحات الرئيس عبد الفتاح السيسي في المؤتمر الوطني للشباب بمدينة شرم الشيخ، واصفا أنها تتعارض مع الواقع.

وقال "فودة" في تدوينة له على موقع التواصل الاجتماعي "فيس بوك": "اللي يقولك.. مش لاقي في كلام السيسي غير موضوع التلاجة التافه؟ قل له.. تعالى شوية كده على جنب".

وتابع: "كلام السيسي ماجاش من قبيل المجاز أو الرمز، ولا هو سخونية مفاجئة تماهت في لحظة استثنائية مع طبقة من النرفانا الرفاعية، هو عارف كويس قوي هو بيقول إيه و بيقولوا لمين و بيقولوا بالشكل دا بهدف إيه".

وأضاف: "دا ببساطة واحد من أساليب الخطاب والسلوك الناعم اللي بيبان فيه ظاهريًا التقدير والتفهم والتعاطف وحتى المديح، بس الجوهر بتاعه في الواقع بيكون عكس كدا تمامًا أمام طرف صغير أو غير مدرك أو حسن النية بهدف السيطرة عليه وتوجيهه وهو في الواقع يحتقره ولا يطيقه".

وواصل: "كلنا بنمارس الأسلوب دا بدرجات متفاوتة مع طرف أو آخر من وقت للتاني، بس فيه ناس الأسلوب دا جزء أساسي من شخصيتها و طريقتها في الحياة".

وذكر: "السيسي في رأيي واحد من الناس دي، وأنا غير مهتم بمحاولة تغييره، هو حر مع نفسه، بس في نفس الوقت شايف إن من واجبي المهني والوطني الوقوف أمامه عندما يتعلق الأمر بالشأن العام، هنا ماينفعش تقعد تتفرج على واحد غلبان فقد كل شيئ وواحد تاني لافف دراعه فوق كتفه، الاسم إنه بيواسيه والفعل إنه مش بس بيخطف منه حقه في الغضب، لأ، دا كمان بيحاول يزرع جواه إحساس بالذنب لمجرد الوجود في الوجود".

وانطلق المؤتمر الوطني للشباب، الثلاثاء الماضي، تحت شعار "ابدع.. انطلق" في ختام عام الشباب المصري، بحضور ورعاية الرئيس عبد الفتاح السيسي، ويستمر لمدة ثلاثة أيام بمدينة شرم الشيخ.

ويأتي المؤتمر تلبية لدعوة السيسي التي أطلقها، خلال الاحتفال بعام الشباب المصري في التاسع من يناير الماضي، بعقد مؤتمر وطني للشباب لبحث مختلف القضايا والتحديات التي تواجه الوطن.

آراء الأعضاء

مواضيع مميزة

انشر مواضيع واحصل على ربح فوري